100komma7.lu

/ De Pop-Up-Impfzenter an der Stater Groussgaass mécht den 31. Dezember seng Dieren zou

Bail net verlängert

30 Dez. 2021 - 11h59

De Pop-Up-Impfzenter an der Stater Groussgaass mécht den 31. Dezember seng Dieren zou

De Pop-Up-Impfzenter an der Stater Groussgaass ass just nach muer op. Duerno wäert et bis op Weideres am Stadzentrum keng Plaz méi ginn, wou ee sech ouni Rendez-vous kann impfe loossen. Et géif een awer alles drusetze fir sou séier wéi méiglech eng Alternativ ze fannen, sou déi Stater Buergermeeschtesch de Moien op Nofro hin.

1 min

De ganzen Interview mat der Lydie Polfer (30.12.2021)

Lauschteren

D'Stad Lëtzebuerg hat d'Lokal op der Nummer 70 gelount mat engem Bail dee bis den 31.12. leeft. Doriwwer eraus wollt de Proprietär vum Gebai net goen.

"E wollt en (de Bail n.v.d.R.) eben net verlängeren an e wollt e mengen ech besonnesch net verlängere wéinst dem Impfzenter, dat huet een dann eben esou missten unhuelen."

"Enger Rei Leit" hätt et "net sou gefall", datt op där Plaz sou vill Passage war, sou déi Stater Buergermeeschtesch Lydie Polfer.

De Covid-Testzentrum op der Theaterplaz bleift awer weider bestoen. Allerdéngs kënnen déi präisreduzéiert Test-Bongen do just nach muer Freideg ageléist ginn. Een Test kascht do duerno dann 15 amplaz fënnef Euro.