Homeschooling "De Virus huet säi Verhale geännert"
Den Educatiounsminister Claude Meisch huet de Mëtteg an enger gemeinsamer Reunioun vun de Chamberkommissioune fir Gesondheet an Educatioun nach eemol seng kuerzfristeg Decisioun begrënnt, fir dës Woch an den Homeschooling iwwerzegoen.
"De Virus huet säi Verhale geännert", sot hien. Besonnesch an de Grondschoulen am urbane Raum géif e sech neierdéngs vill méi séier verbreede wéi virdrun. Déi sanitär Reegele wieren elo am Gaang iwwerkuckt ze ginn. E Freideg hofft de Minister matdeelen ze kënnen, wéi et no der Fuesvakanz virugeet.
Méi zum Thema
Homeschooling vum 8. Februar un
D'Schoul soll vum nächste Méinde un zou bleiwen, seet de Claude Meisch. Och d'Maison relaise ginn zou, d'Crèche bleiwen op. Et ass méiglech Congé pour raisons familiales unzefroen.
Riicht Eraus
Schoulalldag op der Kopp
Vun e Méindeg u geet et erëm an d'Schoul: de Claude Meisch mécht de Point iwwer d'unhalend Erausfuerderunge vun der Pandemie, entschëllegt sech awer och fir de verpassten Debat iwwer d'Direktiounsposten.
Ombudsman fir Kanner: "Homeschooling verstäerkt Inegalitéiten"
De Charel Schmit warnt, den Homeschooling géif sozial Inegalitéite verstäerken. Hie betount, et missten Äntwerte fonnt ginn, fir datt d'Ongläichheeten tëschent de Schüler net ze grouss ginn.
