Klimaschutz Dee Kärel muss fort!
Vill Flüchtlingen aus Afrika kommen an Europa, wëll si, wéinst dem Klima, doheem net méi liewe kënnen. "Den US-Réckzuch aus dem Klimaaccord ass eng ganz schlecht Decisioun", seet den Dietmar Mirkes, ASTM.
"Mir spieren de Klimawandel elo schonn. D'Temperaturen sinn ëm 1,1 Grad erhéicht", seet den Dietmar Mierkes vun der ASTM. Eng ganz Partie Leit aus West an Zentralafrika géifen an Europa kommen, wëll si bei sech net méi liewen kennen. "Hei gi si da gären als Wirtschaftsflüchtlinge bezeechent", sou Dietmar Mirkes. Et wieren awer Klimaflüchtlingen: e Bauer, deen an Afrika seng Recolte wéinst grousser Dréchent verléiert, hätt do ganz einfach keng Existenz méi.
Fahrerflucht vun den USA
Datt d'USA sech elo zréckzéien wier "onverantwortlech, onmoralesch a récksiichtlos". Och wa China aktuell di héchsten Emissiounen hätt, wieren d'USA awer fir iwwert e Fënneftel vun den historeschen CO2-Emissiounen responsabel.
Wann dräi grouss europäesch Staaten elo soen, si géifen d'Entwécklungslänner, nom amerikaneschen Réckzuch finanziell méi intensiv ënnerstëtzen, misst een kucke wat um Enn dobäi eraus kënnt. Fir d'éischt géifen do emol ganz laangwiereg a komplizéiert Diskussiounen ustoen.
Hoffnung op Impeachment
Eenzel amerikanesch Bundeslänner, wéi Kalifornien, hunn ugekënnegt, mat hirem Klimaprogramm wëlle weider ze fueren. Den Dietmar Mirkes fënnt dat positiv. Et geet a sengen Aen awer net duer. Hien hofft, datt d'Republikaner geschwënn eng Impeachmentprozedur géint hire President lancéieren. "Dee Kärel muss fort" - esou den Dietmar Mirkes.
Méi zum Thema
Nei Ziler fir d'europäesch Kooperatiounspolitik
D'EU definéiert nei Ziler fir d'Entwécklungspolitik. Lëtzebuerg war als eenzegt Land kritesch par rapport zu den neie Critèren. De Kampf géint d'Aarmut géif net méi am Fokus stoen, esou d'Kritik.
Wéi eng Zukunft fir de Paräisser Klimaaccord?
US-Medien no huet den Donald Trump Wëlles sech aus dem Paräisser Klimaaccord zeréck ze zéien. Dat géing awer net heeschen, datt all déi aner Länner elo géinge gebremst ginn, seet d'Carole Dieschbourg.
Meenung
Geféierlechen Amalgamm vun Entwécklungs- a Migrationspolitik
Ass et d'Aufgab vun der Entwécklungspolitik fir manner Flüchtlingen an Europa ze suergen? Duerch geziilt finanziell Investissementer vun den Donneure soll d'Migratiounspolitik beaflosst ginn.
ONGen ënner Drock
Déi staatlech Kooperatiounspolitik géif d'ONGen ënner Drock setzen, seet den Dietmar Mirkes. Verschidde Projete misste gestoppt ginn, bedauert de Mataarbechter vun "Action Solidarité Tiers Monde".
