Grondschoul a Secondaire "Deem Jonken ënner d'Äerm gräifen"

An der Grondschoul soll de Stage fir nei Enseignanten am September op ee Joer reduzéiert ginn - dat hat den Educatiounsminister e Mëttwoch no enger Entrevue mat de Gewerkschafte proposéiert.

Paule Rodesch / cbi

Schüler an der Schoul
Foto: Bigstock / Wavebreak Media Ltd.

An der Grondschoul soll de Mémoire fir Stagiären ausserdeem ganz ofgeschaaft ginn, an et muss just nach een Exame gemaach ginn. Eng Ännerung, déi de Syndikat Erzéiung a Wëssenschaft vum OGBL, den SEW, begréisst.

De Leit am Stage hëllefen

No hirer Formatioun wier d'Léierpersonal an der Grondschoul prett, fir vum éischten Dag u Schoul ze halen. Dofir bräicht ee si och net nach weider ze préiwen, seet de Patrick Arendt vum SEW. De Stage am Fondamental sollt dofir do si fir hinnen ze hëllefen. Den Examen iwwer d'Legislatioun wier "legitim", well jiddwereen dee Schoul hält, misst och d'Gesetzer kennen.

Fir de Patrick Arendt ass et ganz wichteg, datt d'Begleetpersoun déi Jonk net soll bewäerten, "mee hei soll wierklech op Vertrauensbasis zesummegeschafft ginn, an deen erfuerenen Enseignant soll deem jonken ënner d'Äerm gräifen."

De Leit am aktuelle System d'Liewen net ze schwéier maachen

Deene Schoulmeeschteren, déi aktuell nach am ale System dra sinn, sollt een d'Liewen dann och net méi schwéier maache wéi néideg, fënnt de Patrick Arendt. Hie géif hoffen, datt déi Concernéiert mat der néideger Fairness behandelt ginn: Sief et bei de Coursen, déi si am zweete Joer nach misste fäerdeg maachen, oder bei hirem Memoire. Et sollt een hei mat "gesondem Mënscheverstand" kucken, datt de Schluss positiv gestalt gëtt. Fir hien ass mat dëser Mesure awer e wichtege Schrëtt gemaach fir der Penurie am Enseignement entgéintzewierken.

Am Secondaire soll de Stage iwwregens wéi am Rescht vum ëffentlechen Déngscht, op zwee Joer reduzéiert ginn. D'Stagiairë mussen hei och weiderhin e Mémoire schreiwen, dee soll awer am Volume reduzéiert ginn.


Detailer mam Paule Rodesch:

Lauschteren

Méi zum Thema

Eng Schoulklass
Grondschoul a Secondaire

Vum nächste Schouljoer u soll de Stage an der Grondschoul op ee Joer reduzéiert, de Memoire ganz ofgeschaaft a just nach een Exame gemaach ginn. Dat seet den Educatiounsminister Claude Meisch.

schoul.jpg
Enseignement

D'lescht Joer goufen 291 Plazen am Fondamental ausgeschriwwen, mä et goufen der nëmmen 167 besat. Wat sinn d'Ursaache fir de Mangel u Personal an de Grondschoulen?

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen