Neijooschpatt vun déi Lénk Déi Lénk kritiséieren d'Loyersgesetz
Déi sozial Ongerechtegkeeten an d'Klimakris waren d'Haaptsujete gëschter Owend um Neijooschpatt vun déi Lénk. D'Oppositiounspartei reprochéiert der Regierung "politique politicienne" a Walkampf um Réck vun de Leit ze maachen, amplaz Verantwortung z'iwerhuelen.
Kritik gouf et ënnert anerem un der ëmstriddener Reform vum Mietgesetz. Duerch dat neit Loyersgesetz vum grénge Logementsminister Henri Kox kréichen d'Propriétairen et nach méi einfach gemaach fir skandaléis héich Loyeren ze froen, esou d'Co-Porte-parole vun déi Lénk, Carole Thoma gëschter Owend am Centre Culturel zu Bouneweg.
"De Plafong vum maximale Loyer gëtt vu 5% op 3,5% vum Capital investi erofgesat. Tip top! Ma opgepasst: Am selwechte Moment gëtt ganz nei definéiert wat de Capital investi iwwerhaapt ass."
Dat wäert "absurderweis" an Zukunft näischt méi mam reell-investéierte Kapital ze dinn hunn, ma un d'Evolutioun vum Logementsmarché ugepasst ginn.
"Wat ass dat da fir eng Brems, wann d'Limitt all Joer monter no uewen adaptéiert ka ginn?"
De Gesetzesprojet wier kontraproduktiv wann d'Zil sollt sinn d'Locatairen ze schützen an d 'Loyeren ze limitéieren, esou nach d'Carole Thoma vun déi Lénk.
Méi zum Thema
Henri Kox wëllt u Reform vum Loyersgesetz festhalen
Déi ëmstridde Reform vum Loyersgesetz gesäit ënner anerem vir, datt Proprietäre pro Joer maximal 3,5 Prozent vum Kapital, wat si an eng Wunneng investéiert hunn, däerfen als Loyer verrechnen.
Esch sträicht ëmstriddene Paragraf iwwer WGen
De Versuch vum Escher Schäfferot, fir iwwer d'Bautereglement Colocatiounen ze reglementéieren, ass gescheitert. Den entspriechende Paragraf gouf elo gestrach. Den Inneministère hat säi Veto ageluecht.
