PID Demissioun vum President Serge Jochheim

D'Partei fir integral Demokratie kéint net richteg funktionéieren, well um Enn ëmmer de Grënner Jean Colombera géif decidéieren. Esou erkläert de Serge Jochheim, firwat hien no dräi Méint als PID-President zrécktrëtt. Hie verléisst d'PID fir eventuell eng eege Partei ze grënnen.

Pia Oppel / cbi

Serge Jochheim.JPG
Serge Jochheim

D'Partei fir integral Demokratie kéint net richteg funktionéieren, well um Enn ëmmer de Grënner Jean Colombera géif decidéieren. Esou erkläert de Serge Jochheim, firwat hien no bëssi méi wéi dräi Méint als PID-President zrécktrëtt an d'Partei verléisst. Organisatoresch an inhaltlech Decisiounen, déi vun de Partei-Gremie geholl goufen, wieren ëmmer nees op informellem Wee iwwer Bord geheit ginn. Zum Beispill wier d'Thema direkt Demokratie anescht wéi decidéiert, net als Prioritéit zréckbehale ginn. Amplaz wier de medezineschen Asaz vum Cannabis prioritär behandelt ginn.

Serge Jochheim

De Jean Colombera, dee bis Juli selwer President vun der PID war, seet, de Serge Jochheim hätt d'Kritik vu verschiddene Memberen um Parteiprogramm net verdroen. De fréieren Deputéierten an neie Viichtener Buergermeeschter iwwerhëlt elo den Interim als President. Fir d'Sich no engem Successeur géif ee sech Zäit loossen.

Jean Colombera

De Serge Jochheim seet, hie wéilt elo eng eege Partei grënnen. Méi kéint hien dozou awer nach net soen.

Méi zum Thema

Serge Jochheim.JPG
Gemengewahlen

D'Partei hätt net genuch Kandidate fonnt, "déi capabel sinn, fir Politik ze maachen", sou den neie PID-President Serge Jochheim. Bei de Chamberwahle wëllt d'Partei fir Integral Demokratie awer untrieden.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen