Ëffentlechen Transport Den Tram fiert ënner reelle Konditiounen

Zënter en Donneschdeg fiert den Tram ënner reelle Konditiounen um Kierchbierg erop an erof. Zënter Juli waren d'Testfahrten ëmmer nëmmen owes. Elo soll jidderee sech un den Tram gewinnen.

Betty Gillen / ys

Tram

De Kierchbierg erop, de Kierchbierg erof, mat kuerze Stoppen op den zukünftegen Arrêten. Den Tram fiert elo op där neier Streck. D'Chauffeure misste konstant gutt oppassen, wa Leit op der Strooss ënnerwee wieren, seet d'Françoise Frieden vu Luxtram. Dowéinst hätt een elo ee gudde Mount am Viraus ugefaangen, ënner reelle Konditiounen ze testen. Et wier wichteg, datt jidderee sech kéint dru gewinnen.

Den Tram héiert een net gutt, dofir huet en als zousätzlech Sécherheetsmesure eng Schell. Wann den Tram vum Arrêt fortfiert, schellt de Chauffeur eng Kéier. "Déi Schell hu mir vum alen Tram vu Lëtzebuerg opgeholl", seet d'Françoise Frieden.

Den Tram brauch laang fir ze bremsen. Och dorop soll mat Panneauen a Luuchten opmierksam gemaach ginn. "Wann een iwwert eng Plattform vum Tram geet, da muss een ëmmer virsiichteg ginn", seet d'Françoise Frieden. Dofir géifen d'Luuchten ni gréng ginn. Si wieren entweder rout oder aus.

Luxtram géif gutt am Zäitplang leien. Et wier weiderhi geplangt, datt den Tram vum 10. Dezember u bis bäi d'rout Bréck fiert, seet d'Françoise Frieden. Luxtram huet 25 Chauffeuren. D'Halschent vun hinnen huet schonn eng Formatioun gemaach. Déi aner maache se d'nächst Woch.

Méi zum Thema

Heiner Monheim
Verkéier

Lëtzebuerg huet ee Verkéiersproblem, seet den däitsche Verkéierswëssenschaftler Heiner Monheim. Et misst ee vum Auto ewech kommen. Eng méiglech Léisung gesäit hien an engem Tram-Train.

Sven Loes
Luxtram

Den Tram huet um Mëttwoch Moie seng éischt Meteren op der Avenue John F Kennedy um Kierchbierg gemaach. Vum 10. Dezember dëst Joer u soll den Tram definitiv a Betrib geholl ginn.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen