Chamberwahlen 2018 DP: Kee fiskalen Dumping zu Lëtzebuerg organsiéieren

D'DP wëllt d'Betribsbesteierung fir Kleng- a Mëttelbetriber erofsetzen. Ëm wéi vill konkret den Taux, deen aktuell bei 18 Prozent leit, soll erofgoen, wollt den DP-Spëtzekandidat a Premier Xavier Bettel awer net soen. Dat géif vum internationale Kontext ofhänken, Lëtzebuerg misst kompetitiv bleiwen. Hie wéilt awer och kee Steierdumping bedreiwen, seet de Xavier Bettel. Fir nei a sougenannt innovativ Betriber leit de Besteierungstaux souguer bei 15 Prozent.

Mick Entringer / cz

Xavier Bettel 2018-07-09
Xavier Bettel

Et wéilt ee keng "Course ufänken", bei där d'Betriber dono keng Steiere méi bezuele missten, seet de Xavier Bettel. Lëtzebuerg bräicht eng "Equité fiscale". Op d'Fro, wéi wäit hien d'Steierlaascht fir Entreprisë wéilt erofsetzen, äntwert de Xavier Bettel, datt Lëtzebuerg sech dem internationale Kontext upasse misst. Lëtzebuerg misst awer och kompetitiv bleiwen.

"Ech fänken net un, en Dumping fiscal hei zu Lëtzebuerg ze organiséieren, wou mir der Meenung sinn, wann d'Betriber an Irland zéng Prozent bezuelen, datt mir da mussen op néng Prozent erofgoen." Hie wier sech der politescher Responsabilitéit bewosst, sou de Xavier Bettel. "Ech kann net vu engem Bierger verlaangen, datt dee 40, 45 oder 50 Prozent bezilt, an dono e Betrib zéng, eelef oder néng Prozent." Och fir d'Stéit annoncéiert d'DP an hirem Wahlprogramm eng Steierreform.

Inegalitéiten an der Besteierung ophiewen

Bei de Stéit wëllt d'DP eng Individualiséierung aféieren, déi der Zuel vun de Kanner Rechnung dréit. Hautdesdaags misst een den Accent méi op eng individuell Besteierung leeën. Et wier net normal, datt eng bestuete Koppel, an där ee Partner 4.000 de Mount verdéngt manner Steier misst bezuelen, wéi eng Koppel, an där déi zwee Partner jee 2.000 Euro géife verdéngen, seet de Xavier Bettel.

"Dat geet net. Et kann net sinn, datt et eng Inegalité fiscale gëtt vis-à-vis vun der Situatioun, ob een zu zwee schafft, ob een eleng schafft, ob ee bestuet ass oder net bestuet ass."

Iwwer de Käschtepunkt vun esou enger Steierreform fir Stéit a Betriber wollt de Xavier Bettel näischt soen. De gratis ëffentlechen Transport, wéi vun der DP am Wahlprogramm virgeschloen, wäert eng 30 Milliounen Euro kaschten. Déi annoncéiert gratis Musekscourse fir Kanner huet hien net chiffréiert.

An der Mediathéik:

Chamberwahlen 2018 / / Mick Entringer
Lauschteren

Méi zum Thema

monoparental Famill
Steierreform

Déi gréisste Verléierer bei der Steierreform wieren d'monoparental Famillen, esou d'Kritik op enger rezenter Diskussiounsronn. Si géife bis zu fënnef mol méi Steiere bezuelen, wéi bestuete Koppelen ouni Kanner.

ICIJ LuxLeaks.jpg Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

Alain Steichen.jpg
Fiskalitéit

De G20 huet OECD-Richtlinne géint Steier-Vermeidung vu multinationale Konzerner ugeholl. Déi nei Regele wäerten, dem Steier-Expert Alain Steichen no, en negativen Impakt op Lëtzebuerg hunn.

D'OECD huet am Kampf géint d’Steier-Optiméierung vu multinationale Betriber - e wichtegen Dossier fir de lëtzebuerger Standuert a fir d’Finanzplaz - de Memberstate vum G20 déi éischt Recommandatiounen iwwerreecht

Programm

  • Notturno

  • On air

    Virum Dag

    • Invité vum Dag - Charel Schmit

  • Noriichten

  • Moies-Magazin

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen