Chamberwahlen 2018 Dräier-Koalitioun vs Zweeër-Koalitioun

Hie wier ee "grousse Frënd vun der Dräier-Koalitioun", seet de François Benoy vun déi gréng. De Paul Galles vun der CSV bedauert, datt no de Wahlen eng schwaarz-gréng Koalitioun net méiglech war. Béid Stater Gemengeréit goufen direkt an d'Chamber gewielt.

Maurice Molitor / fk

Paul Galles a François Benoy
Paul Galles (CSV) a François Benoy (déi gréng)

Eng Zesummenaarbecht tëscht CSV an déi gréng wier sécher méiglech gewiescht, wa si dem Wieler-Optrag entsprach hätt, seet de François Benoy. Perséinlech wier hien awer der Meenung, datt et do méi schwéier gi wier, fir Konvergenzen ze fannen, wéi an der Konstellatioun, déi sech elo nees undeit. Den zukünftegen CSV-Deputéierte Paul Galles gesäit dat aneschtes.

"Ech denken, datt mer eng ganz Rei Gemeinsamkeete fonnt hätten, fir eng stabil schwaarz-gréng Koalitioun op d'Been ze kréien. Viraussetzung wier gewiescht, datt natierlech genuch Sëtz zesumme komm wieren. Et wier eng stabil Zweeër-Koalitioun gewiescht. Et hätt ee kënne ganz anescht matenee schaffen. Ech hätt mech driwwer gefreet, well et gëtt och schonn am Ausland respektiv och hei am Land scho Beispiller, wou dat funktionéiert. Fir mech wier et ganz interessant gewiescht all déi Elementer, déi mer allen zwee dann zesumme bréngen, an eng Koalitioun anzebréngen."

Auslänner automatesch op Wielerlëschte fir d'Gemengewahlen androen?

De François Benoy, studéierte Politolog a Soziolog, huet seng Ofschloss-Aarbecht op der Uni iwwer d'Thema "politesch Exklusioun vun Auslänner an Demokratien" geschriwwen. Een Thema, dat jo ganz aktuell ass hei am Land, well d'Lëtzebuerger, déi eleng d'Wahlrecht hunn, geschwënn net méi an der Majoritéit sinn. Dat geheit Froen iwwer d'demokratesch Legitimatioun vun der Chamber op. De Referendum vun 2015 hätt an där Fro "leider eng Rei Fakte geschaf. D'Fro, trotzdeem, stellt sech nach ëmmer. An ech mengen d'Politik an d'Gesellschaft hei zu Lëtzebuerg kënne sech deem net weider entzéien."

Et misst een driwwer nodenken, ob een d'Auslänner bei den nächste Gemengewahlen net automatesch op d'Wielerlëschten aschreiwe sollt - als eng éischt Moossnam géint den Demokratie-Defizit, deen hei am Land ëmmer méi grouss géif ginn, esou nach den zukünftege gréngen Deputéierten.

An der Mediathéik:

Invité vum Dag / / Maurice Molitor
Lauschteren

Méi zum Thema

Claude Lamberty, Carole Dieschbourg, Laurent Zeimet, Alex Bodry
Chamberwahlen 2018

D'Dräier-Koalitioun kann arithmetesch weidergefouert ginn. D'Spëtzepolitiker vu Blo-Rout-Gréng hu sech dofir ausgeschwat, d'Parteigremie mussen nach zoustëmmen. Wéi geet et virun no de Wahlen?

Philippe Poirier
Chamberwahlen 2018

Déi zeréckhalend Oppositiounsstrategie vun der CSV kéint d'Partei ee bis zwee Sëtz kaschten, seet de Philippe Poirier. Sondagen am Juni hätten e liichte Réckgang an de Wahlintentioune géigeniwwer der CSV gewisen.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen