Logistik Dräispureg Autobunne géint de Stau?

D'Autobunnen zu den Nopeschlänner ausbaue wier eng Léisung fir de Stau, deet den Direkter vum "Cluster for Logistics", Malik Zeniti. Eng aner méiglech Mesure wieren zäitlech gestaffelt Aarbechtszäiten, fir d'Auslaaschtung vun den Autobunnen net op eng kuerz Zäit ze bündelen.

Mick Entringer / ys

Malik Zeniti
Malik Zeniti

Et wier ideal wann all d'Autobunnen an d'Nopeschlänner dräispureg wieren, seet de Malik Zeniti, den den Direkter vum "Cluster for logistics". D'Camionschauffere géifen an de Spëtzestonne versichen, déi blockéiert Stroossen ze evitéieren.

Ganz schwiereg wier d'Verkéierssituatioun beim Findel am Raum Sandweiler-Contern, wou fir d'Industriezon eng zousätzlech Autobunnsoffaart géif envisagéiert ginn. Den Nohaltegkeets- an Infrastrukturminister hätt verstanen, datt eng Logistik ronderëm de Fluchhafen net méiglech wier, wann dee "Bottleneck" net géif verbessert ginn.

Et géif vum Ministère en Effort gemaach ginn, "fir dat e bësse méi flësseg ze maache, vue datt mir do relativ grouss Firmen hunn déi mam Fluchhafen zesumme schafen. Déi kënnen natierlech net aus dem Lager eraus fueren an do am Stau stoen", seet de Malik Zeniti.

Upassung vun Aarbechtszäiten?

Momentan wieren iwwer 3.000 Aarbechtsplazen an där Industriezon, an et géifen der 6.000 ginn. Eng méiglech Léisung wier och, fir d'Aarbechtszäiten zäitlech ze staffelen.

"Déi Spëtzestonnen déi normalerweis 1,5 Stonne sinn, déi iwwer 2-3 Stonnen ze strécken, an da ginn déi Stroosse besser duer wéi haut. Do sinn Diskussioune mam Ministère a mat allen Acteuren aus der Industriezone wat fir Méiglechkeeten et gëtt."

Ee Betrib géif konkret driwwer nodenken, den Ufank vun der Schicht eng Stonn no vir ze verleeën.

An der Mediathéik:

Invité vum Dag / /
Lauschteren

Méi zum Thema

Laurence Zenner
CFL cargo

CFL cargo plangt een neien zousätzlechen Atelier zu Beetebuerg ze bauen, fir d'Maintenance vun den Zuch-Waggonen ze verstäerken. Donieft soll den Reseau international weider ausgebaut ginn.

Stau
Verkéier

Ponts et Chaussées analyséiere momentan, ob déi maximal erlaabte Vitesse um Autobunnsreseau während de Spëtzestonne limitéiert soll ginn. D'Zil ass méi Sécherheet a manner Stau.

Deliver One Konferenz
Logistik

Den Online-Handel an d'E-Logistik boomen. Wat sinn d'Entwécklungen a wéi positionnéiert Lëtzebuerg sech an deem Beräich? Dat ware Sujeten op der Logistik-Konferenz "Deliver One".

Malik Zeniti.JPG
Cluster for Logistics

Am Logistik-Secteur schaffen iwwer 13.000 Leit zu Lëtzebuerg. Mam neien Zuch-Terminal zu Beetebuerg an duerch eng besser Verzahnung vun de verschiddenen Transportmëttel huet d'Branche Entwécklungspotenzial.

Programm

  • Virum Dag

  • On air

    Moies-Magazin

    • Prisma - Däerf een d'Wierk vu sengem Autor trennen?

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen