Radikaliséierung "E reale Phenomen zu Lëtzebuerg"
15 Persounen si bei der Berodungsstell géint Radikaliséierung gemellt. "Dat si méi Leit wéi ee sech erwaart hätt, wéi ee viru knapp engem Joer gegrënnt gi war", seet d'Karin Weyer. Si ass Responsabel vum Zentrum géint Radikaliséierung.
Zu Lëtzebuerg gëtt et Radikaliséierung, an et hätte sech bis elo méi Persoune gemellt wéi geduecht, seet d'Karin Weyer. Dobäi géif et sech esouwuel ëm politesch, wéi ëm reliéis Radikaliséierung handelen. Déi Leit, déi sech un den Zentrum géint Radikaliséierung adresséiert hunn, stame souwuel aus dem familiären Entourage, wéi och Léierpersonal ronderëm, awer och Leit selwer an Nopere well se sech Suergen.
"respect.lu" wier zoustänneg fir all Forme vu Radikaliséierung déi zu Gewalt féiert. Den Zentrum beréit a mécht och Preventiounsaarbecht. "Et ass eng Aarbecht au cas par cas, well och bei deene 15 Situatiounen, war keng Situatioun déi ee mat enger anerer kéint vergläichen."
Nach kee Fall am Prisong
Bis elo géif et de Phänomen vun der Radikaliséierung am Prisong nach net ginn. Et wier ee sech awer bewosst, datt dat geschéie kéint. Et wier een zesummen am gaangen ze kucken, wéi een d'Personal vum Prisong ka forméieren, fir datt si dat méi am Aen hunn a matkréien, an och wësse wéi si sech solle verhalen.
Psychologe vu "respect.lu" géifen dem Beruffsgeheimnis ënnerleien, dat géif awer do ophale wou eng Gefor fir d'Ëffentlechkeet géif bestoen. An deem Fall missten d'Autoritéiten informéiert ginn.
"Et ass net esou, datt ee sech géif un eis wenden an da géif iergendeppes en marche gesat ginn, wou ee keng Anung huet wat da geschitt", seet d'Karin Weyer. Et wier ee ganz transparent an et géif een de Leit soen, wann een eng reell Gefor géif erkennen.
Mat den Eltere bei d'Police
Mat Elteren hätt ee bis elo nach net ze doe gehat. Wann dat de Fall wier, wier et d'Zil, mat hinnen zesumme bei d'Police ze goen. "All Elteren ass et léiwer, hiert Kand gëtt vun der Police suivéiert, wéi en huet eppes gemaach, wou hien duerno net wëllt, datt dat geschitt."
Bis elo wieren nach keng Elteren un si eru getrueden, well hiert Kand d'Land verlooss huet fir sech am Ausland enger radikaler Organisatioun un ze schléissen. "Ech mengen dofir gëtt et eis nach net laang genuch."
D'Gespréich mat der Karin Weyer:
Méi zum Thema
"Extremismus ass net nëmme reliéis"
Den neie Lëtzebuerger Zentrum géint Radikaliséierung applizéiert eng breet Definitioun vu Radikaliséierung. Extremismus wier net nëmme reliéis oder islamistesch, betount eng Psychologin, déi do schafft.
Programm géint Radikaliséierung
Den Educatiounsministère preparéiert e Programm mam Zil Jugendlecher virun enger Marginaliséierung ze protegéieren. Eng Marginalséierung, déi an den Ae vun der Regierung den Haaptgrond fir Radikaliséierung wier.
Wéineg Moyene fir Radikaliséierung ze verhënneren
No den Terrorattentater zejoert zu Paräis huet d'Regierung e Programm vu präventive Mesure annoncéiert, fir d'Radikaliséierung vun deene Jonken ze verhënneren. Mee Moyene ginn et dofir net vill.
Wéi entsteet Radikaliséierung?
Och Jonker aus dem Weste fille sech vun der Propaganda vum Islamesche Staat ugezunn, a maache sech op de Wee an den Irak oder Syrien. Wéi kënnt et dozou? A wat sichen a fanne si do?
