Biissen "Ech ginn ouni Regret"

Biissen kritt en neie Buergermeeschter. Dee wäert méi wéi sécher David Viaggi heeschen. Hie gehéiert zu der Equipe Är Leit, déi bis ewell an der Oppositioun souz. No den Demissioune vun den zwee CSV-Schäffen d'lescht Woch a vum Ex-CSV-Buergermeeschter e Sonndeg, ginn d'Kaarten elo nei gemëscht.

Maurice Molitor / cbi

Biissen
D'Gemengenhaus zu Biissen. Foto: Commune de Bissen / Max Steffen

De Jos Schummer seet, hie géif ouni Regret goen, Biisse wier net stoe bliwwen an deenen aacht Joer, wou hie Gemengepapp war, mee hätt sech weider entwéckelt. An u sech hätt hien nach gär gehollef an enger exekutiver Funktioun. Dat wär iwwregens esou ofgemaach gewiescht:

"Et war ofgemaach, datt den Här Viaggi vum éischten Dag un d'Roll vum Buergermeeschter sollt iwwerhuele bis zum Schluss vun dëser Legislaturperiod. Ech hätt während zwee Joer d'Geschäfter vum Éischte Schäffen iwwerholl. An d'Madamm Cindy Barros hätt dat lescht Joer d'Funktioun vum Éischte Schäffen iwwerholl."


De ganzen Interview mam Jos Schummer:

Lauschteren


Elo gesäit et esou aus, wéi wann d'Cindy Barros, déi am Juni gläichzäiteg mam Jos Schummer aus der CSV ausgetruede war, direkt an de Schäfferot kéim. Fir den Ex-Buergermeeschter bléif da just nach eng Plaz als einfache Conseiller am Gemengerot.

Ausléiser: De Google-Datenzenter

Ob hien dat wëllt, géif hie sech elo mol e puer Deeg iwwerleeën, seet de Jos Schummer. Virun der nächster Woch géif hien do keng Decisioun huelen. Dat alles ass Lokalpolitik, wéinst dem Projet Google Data-Center, deen dat ganzt kommunaalt Gedeessems mat ausgeléist huet. Dat Ganzt huet awer och en nationalen Interêt:

"Ech ginn net dovun aus, datt de Projet, deen ass esou wäit fort, datt deen elo einfach "rang pang" gestoppt ass. Well déi Zon, déi hu si kaaft, an déi Zone sinn elo klasséiert an dat geet säi ganz normale Wee weider."

Et ass net ganz kloer, wéi d'Equipe Är Leit zum Projet Google steet: "Wéi si sech positionéieren, dat weess ech net", seet de Jos Schummer. Säi Nofolger wäert awer séier Faarf musse bekennen.


De Bäitrag vum Maurice Molitor:

Lauschteren

Méi zum Thema

Jos Schummer
Gemeng Biissen

De Bisser Buergermeeschter Jos Schummer huet demissionéiert. Hien hätt dat gemaach, well hie sech géint Falschmeldungen an Aussoe wéilt wieren, awer net géint seng Wieder wéilt goen.

google.jpg
Data Center

Domat soll d'Fläch vu ronn 35 Hektar, als "zone spéciale Data Zenter" klasséiert ginn. Deemno dierft just een Data Zenter sech do nidderloossen. Kritik gouf et, well eng Partie Froen nach op stinn.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen