Koalitiounsverhandlungen "Ech sinn un där Aufgab interesséiert"

Wann d'LSAP den nächste Lëtzebuerger EU-Kommissär ka stellen, da wäert den Nicolas Schmit fir dëse Poste kandidéieren. Wann de Kommissär fir d'LSAP ass, a wa seng Partei hie freet, da wëllt den Nicolas Schmit och LSAP-Spëtzekandidate bei den "extrem wichtegen Europawahlen" d'nächst Joer ginn.

Serge Kesseler / cbi

Nicolas Schmit
Den Nicolas Schmit wëll net an déi nächst Regierung. Foto: eu2015lu.eu / Jean-Christophe Verhaegen (Archiv).

Well hie sech besonnesch op dës béid Aufgabe wéilt preparéieren, wéilt hien dee Moment guer net Deputéierten an der Chamber ginn. "Ech ginn net an d'Chamber just fir an d'Chamber ze goen, dat ass net mäi Stil", esou den Nicolas Schmit op d'Fro, wat hie bis bei d'Europawahlen am Mee d'nächst Joer wëlles huet ze maachen.

Europawahlen 2019: Déi wichtegst Wahlen

Wann hie sech op säin Job als Kommissär soll virbereeden an déi Wahlen esou gestalte soll, wéi hien dat wéilt, da wier dat e full-time Job, an hie kéint net nach parallel eng Aarbecht an der Chamber maachen, esou den LSAP-Politiker.

Hie géif d'Europawahlen als wierkleche Rendez-vous mat Europa ugesinn, als eng wierklech Opportunitéit fir mat de Bierger iwwer Europa ze diskutéieren. Dës Wahle géife wahrscheinlech "déi wichtegst Wahlen" ginn, an dofir wëllt den Nicolas Schmit déi Wahlen net "esou bëssen hannen erëm" féieren.

EU-Kommissioun: Eng Liewensaufgab

Bei der Fro, wéi eng Ressorten an der EU-Kommissioun hien am meeschten interesséieren, huet den Nicolas Schmit déi sozial Dimensioun ervirgestrach: "Déi sozial Froe leie mir extrem um Häerz", esou den LSAP-Politiker. Et wier awer um nächste Kommissiounspresident d'Ressorten ze verdeelen.

Den LSAP-Politiker ass zanter 2004 Minister an hie kritt a knapp engem Mount 65 Joer. Hie géif sech a Form fillen an hätt ganz staark Konviktiounen. "Dat do ass bëssen eng Liewensaufgab an ech hu wierklech all Kraaft fir dat do duerchzezéien", esou den Nicolas Schmit.

Tess Burton géif noréckelen

"Ech sinn net méi an der nächster Regierung, ech wëll EU-Kommissär ginn", hat den Nicolas Schmit e Freideg op RTL gesot. Wann den Nicolas Schmit weder an déi nei Regierung geet, nach an d'Chamber, da wäert déi zweet-gewielten LSAP-Kandidatin am Bezierk Osten, d'Tess Burton noréckelen. Hie wéilt net doriwwer spekuléieren, ob d'Politikerin och Chancen hätt, fir Regierungsmember ze ginn, esou haut den Nicolas Schmit.


De ganzen Interview mam Nicolas Schmit:

Lauschteren

Méi zum Thema

Koalitiounsverhandlungen
Chamberwahlen 2018

Déi éischt Gespréicher iwwer déi gemeinsam Zieler vun der neier Regierung ware méi kuerz wéi geplangt. Et hätt ee "relativ séier" een "zimlech breede Konsens" fonnt, seet de Chef vun der grénger Verhandlungsdelegatioun Félix Braz.

Sammy Wagner
Chamberwahlen 2018

Den LSAP-Parteipresident an den LSAP-Generalsekretär missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen