Affär Gaardenhaischen "Ech wäert deemnächst eng kloer Decisioun huelen"

De Roberto Traversini wëllt verschidde vu senge Mandater a Syndikater a Veräiner ofginn. Eng kloer Decisioun wéilt hien "zimlech kuerzfristeg" treffen. Hie schléisst net aus, eent vu senge politesche Mandater ofzeginn. Dem Buergermeeschter vun Déifferdeng gëtt virgeheit, Aarbechten ouni déi néideg Autorisatioune maache a Gemengeservicer fir privat Zwecker schaffe gelooss ze hunn.

Rick Mertens / Claude Biver

Roberto Traversini
De Roberto Traversini ka sech virstellen ee politescht Mandat ofzetrieden

De Moment géif de Roberto Traversini tëschent 14 a 16 Stonnen den Dag schaffen. "Dat geet einfach net", seet den Buergermeeschter vun Déifferdeng. Sou géife Saache virkommen, déi een als Aussestoender net kéint verstoen an de Kapp géif rëselen.

De Roberto Traversini wëllt seng Konsequenzen zéien: "Ech muss ufänke mech ze schounen, meng Famill ze schounen". Déi duebel Belaaschtung vu politeschen Ämter a Verwaltungsréit géif ze vill ginn an hie wéilt dowéinst "méi kuerz trëppelen".

Eng Zukunft an der Politik?

Wéi ee Mandat hie wéilt ofginn, konnt de Roberto Traversini awer nach net soen. "Ech wäert déi nächst Wochen a Méint eng Decisioun huele vun all deenen Ämter, wat ech soll weider maachen a wat net an da wäert ech Bescheed soen." Hie géif net ausschléissen, datt hien ee vu senge politesche Mandater kéint ofginn. "Ech ka mer de Moment alles virstellen", seet hien.


Déi zentral Aussoe vum Roberto Traversini


Op d'Fro, ob hien awer weider an der Politik bleiwe wéilt, äntwert de Roberto Traversini no enger längerer Paus. "Ech wëll weider an der Politik bleiwen, mee ech muss och ufänken no mir ze kucken."

De Roberto Traversini ass grénge Buergermeeschter zu Déifferdeng an Deputéierten an der Chamber.

An der Mediathéik:

Invité vum Dag / / Rick Mertens
Lauschteren

Méi zum Thema

Programm

  • Resonanzen

  • On air

    Spektrum

  • Ënnerwee

  • Time Out

  • Rockultur

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen