Medien Editpress stoppt d'Wochenzeitung "Le Jeudi"

Dësen Donneschdeg kënnt déi lescht Editioun vum Jeudi eraus. De Verwaltungsrot vum Mammenhaus Editpress huet entscheet, d'Publikatioun vun der franséisch-sproocheger Wochenzeitung anzestellen. D'Fro hätt zanter engem Joer ëmmer erëm am Raum gestanen, well d'Zeitung defizitär ass, esou de Generaldirekter vun Editpress.

Françoise Keller / cbi

Jean-Lou Siweck

Et wéilt een d'Energie op d'Dageszeitung Tageblatt konzentréieren, esou de Jean-Lou Siweck, Generaldirekter vun Editpress. D'Tageblatt hat am Joer 2018 eng 8.500 Abonnenten, de Jeudi ronn 1.200.

Am Kontext vun engem schwéiere strukturellem Wandel fir d'geschriwwe Bezuelpress hätt de Jeudi däitlech Defiziter gemaach. Et hätt een de Verloscht vu Publicitéits-Akommes net duerch eng Hausse vun den Abonnementer kënne kompenséieren.

D'Abonnementer vum Jeudi wieren déi lescht Jore weider erofgaangen. Et hätt ganz vill Energie kascht, wann een dat nach hätt wëlle redresséieren. Déi Energie wéilt een elo op d'Tageblatt konzentréieren, an op déi aner Titren, an deenen Editpress Participatiounen huet.

Editpress huet Parten an den Dageszeitunge Quotidien an Essentiel an am Magazin Revue.

"Mat Entloossunge rechnen"

Wat déi eelef Redaktiounsmember vum Jeudi betrëfft, géif ee Sozialplang mat der Personaldelegatioun an der representativer Gewerkschaft ausgehandelt ginn. "Mir wäerte probéieren, dat verantwortlech ze maachen", esou de Jean-Lou Siweck. Et misst allerdéngs mat Entloossunge gerechent ginn.

D'Gebai vum Jeudi gehéiert Editpress, et hätt een awer keen direkte Gebrauch dofir. An den nächste Woche géif analyséiert ginn, op d'Gebai an d'Vente oder an d'Locatioun geet. D'Sue vun enger eventueller Vente géifen anerwäerts investéiert ginn.

"Mussen éierlech mat eiser selwer sinn": Interview mam Jean-Lou Siweck

Méi zum Thema

Danièle Fonck
Danièle Fonck

Op manner Säite méi Qualitéit liwweren. Sou erkläert d'Danièle Fonck dat neit Format vum Tageblatt. D'Generaldirektesch vun Editpress seet, de Grupp géif besser do stoe wéi aner Medienhaiser.

Nico Clement.JPG
Medien

Den Nico Clement huet gutt Chancë fir President vum Verwaltungsrot vun Editpress ze ginn. Ufank 2017 soll een neie President gewielt ginn, nodeems de Jean-Claude Reding Enn November zeréck getruede war.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen