Gesondheet Coronavirus: Verdachtsfall huet sech net confirméiert
De Verdachtsfall vun enger Infektioun mam Coronavirus huet sech net bestätegt. Dat deelen de Gesondheetsministère an den Haut-Commissariat à la protection nationale de Samschdeg Owend an engem Communiqué mat.
Update Samschdeg 23:16:
D'Persoun vun där ugeholl gi war, datt si sech mam Coronavirus infizéiert gehat hätt, gouf aus der Quarantaine entlooss a konnt nees heemgoen.
Informatiounen, déi de Samschdeg Owend um 18:30 bekannt waren
De Jean-Claude Schmit am Interview mam Françoise Keller
D'Persoun déi aus China erëmkomm ass wier momentan hospitaliséiert an isoléiert, an et géif een déi definitiv Testresultater de Moment nach ofwaarden, sou de Jean-Claude Schmit. D'Resultater solle spéitstens de Sonndeg de Moie virleien.
Et wier och schonn eng Lëscht vu Persounen opgestallt ginn, déi eventuell a méi enkem Kontakt mat der infizéierter Persoun stoungen. Éier déi Leit kontaktéiert ginn, missten awer emol fir d'éischt d'Testresultater virleien.
Leit, déi aus China erëmkommen a Symptomer opweisen, solle sech beim 112 mellen.
Méi zum Thema
De Coronavirus huet d'Potential fir wäitaus méi geféierlech ze ginn
Deen neie Coronavirus ass, sou wäit dat bis elo bekannt ass, net iwwerméisseg aggressiv oder geféierlech, seet de Claude P. Muller vum Luxembourg Institute of Health. Nach net, sou de Virolog.
Cargolux: Keng speziell Precautiounsmoossname wéinst Corona-Virus
D'Cargolux flitt 23 Mol d'Woch a China a véier Mol d'Woch an Taiwan. Wéinst den Infektiounsfäll mam Corona-Virus si bei der Lëtzebuerger Cargo-Airline awer fir de Moment keng gréisser Changementer geplangt.
Corona-Virus: 17 Doudesaffer confirméiert
Et wier schwéier anzeschätzen, wei geféierlech de Virus wierklech ass, sou de Markus Ollertvum vum LIH. Et soll ee sech awer op eng méiglech Epidemie virbereeden, sou den Direkter vum Departement fir Infektiouns- an Immunerkrankungen.
