Medien CLT-Ufa dierf 100 % vun Eldoradio iwwerhuelen

D'RTL-Mammenhaus CLT-Ufa krut d'Autorisatioun fir d'Parte vun Editpress bei Eldoradio ze iwwerhuelen. De Verwaltungsrot vun der onofhängeger Medien-Autoritéit ALIA huet eng entspriechend Ufro accordéiert. Mat der Iwwernam vun de 25 Prozent vun Editpress, huet d'CLT-Ufa an Zukunft 100 Prozent vun de Parte bei Eldoradio.

Françoise Keller / cbi

Eldoradio

De Bäitrag vum Françoise Keller


Et hätt kee legaalt Argument ginn, fir der Demande vun Editpress net nozekommen, esou den ALIA-President Thierry Hoscheit op Nofro hin. Et géif am Dossier zwou Gesellschafte ginn: eng hätt wéilten eppes verkafen an déi aner hätt wéilte kafen. De Gesetzer no misst d'ALIA doriwwer informéiert ginn, a si hätt doropshin hiren Accord ginn.

Eldoradio hätt säi Contenu a seng editorial Linn iwwerdeems bis elo ëmmer onofhängeg definéiert a misst dat dem Cahier de Charges no och an Zukunft weider esou maachen. Dat wier wichteg am Sënn vum Medie-Pluralismus, seet den Thierry Hoscheit. Et misst séchergestallt ginn, datt et e puer vum Contenu hier verschidde Programmer gëtt. Et diert keen "Eenheetsbräi" ginn:

"Dowéinst war et eis wichteg sécherzestellen, datt do een eegestännege Programm gemaach gëtt, an datt eegestänneg Ressourcen hannendru stinn, fir dat och ëmzesetzen."

E Risiko fir de Pluralismus?

CLT-Ufa bedreift RTL Radio an Tëlee an ass och Aktionär beim franséischsproochege Sender L'Essentiel Radio. D'CLT-Ufa kontrolléiert domat déi zwee éischt Lëtzebuerger Radiosenderen zu 100 Prozent an ass am drëtte Sender mat 25 Prozent vertrueden. Besteet doduerch e Risk vun ze staarker Konzentratioun? Dorop nennt den Thierry Hoscheit zwou Äntwerten:

"Mir hunn den Ament keng juristesch Handhab fir do iergend eppes ze maachen. Déi zweet Äntwert ass, datt wann all Radio säin eegestännege Programm mécht, onofhängeg ee vun deem aneren, ass de Pluralismus do."

L'essentiel Radio hätt hir eege Programmatioun a Redaktioun, ouni datt d'RTL-Mammenhaus do géif agräifen, esou nach den ALIA-President.

Méi zum Thema

Eldoradio Exklusiv
Lëtzebuerger Medien

Editpress wëllt seng Parte bei Eldoradio un RTL verkafen. Dat hunn eis verschidde Sourcë confirméiert. Den Dossier läit bei der ALIA, der Opsichtsautoritéit fir déi audiovisuell Medien.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen