Récktrëtt D'Ëmweltministerin Carole Dieschbourg demissionéiert

D'Carole Dieschbourg trëtt als Ëmweltministerin zeréck. Dat huet si de Freideg, kuerz viru Mëtteg virun der Press annoncéiert. Dat an der Suite vun der Affär, och nach Gaardenhaisschen-Affär genannt. De Claude Turmes géif den Interim iwwerhuelen, sou d'Carole Dieschbourg.

Chris Zeien / Jean-Claude Franck / Maurice Molitor / Jacques Ganser / Christiane Kleer

Carole Dieschbourg bei hirer Demissioun
Foto: Jean-Claude Franck

D'Deklaratioun vun der Carole Dieschbourg


Si kéint net vum Untersuchungsriichter gehéiert ginn, ouni datt hir Immunitéit vun der Chamber géif opgehuewe ginn, sou d'Carole Dieschbourg. Fir an dëse Krisenzäite keng weider Zäit an dëser Affär ze verléieren an ze vermeiden, datt d'Affär an der Chamber vu vir misst opgerullt ginn, hätt si decidéiert hir Responsabilitéit ze iwwerhuelen an zeréckzetrieden.

Si hätt an dësem Dossier vun Ufank un op Transparenz gesat a si hätt sech näischt virzewerfen, sou d'Carole Dieschbourg weider.

De Parquet hat de Moie matgedeelt, datt de Ball wéinst den Dispositiounen an der Lëtzebuerger Constitutioun elo bei der Chamber léich. Kuerz dono hat d'Ëmweltministerin Carole Dieschbourg per Communiqué matgedeelt, datt si sech "nach ëmmer" näischt virzegheien hätt.

D'Carole Dieschbourg krut virun dräi Joer ënnert anerem vum CSV-Deputéierte Michel Wolter reprochéiert, géint d'Naturschutzgesetz verstouss an de fréieren Déifferdenger Buergermeeschter Roberto Traversini bevirdeelegt ze hunn. De Roberto Traversini huet wéinst der Affär demissionéiert a sech komplett aus der aktiver Politik zréckgezunn.


D'Reaktioun vum grénge Co-Parteipresident

D'Carole Dieschbourg hätt de Parteigremië vun déi Gréng hir Decisioun de Moie matgedeelt, sou de Co-Parteipresident Meris Sehovic.

"Dat ass eng Decisioun déi d'Carole eleng geholl huet. Op där enger Säit vir d'Enquête ze facilitéieren a fir kënne fir maximal Transparenz ze suergen an op där anerer Säit och a wichtegen Dossiere vun Ëmwelt- a Klimaschutz, déi nach ustinn, kënne weider ze fueren.

D'Reaktioun vum Meris Sehovic

Mir als Partei hu gréisste Respekt virun där integerer Decisioun. D'Amtszäit vum Carole Dieschbourg stellt e beispilllost Joerzéngt fir konsequente Klima- an Ëmweltschutz duer. Mir danken him vu ganzem Häerze fir säin éierlechen an onermiddlechen Asaz fir d'Biergerinnen a Bierger, fir d'Ëmwelt, fir de Planéit.
De Parteivirstand wäert sech elo zäitno mat der Fro beschäftegen an da wäert d'Partei op engem aussergewéinleche Kongress iwwer eng Propos ofstëmmen, sou de Meris Sehovic.

Den Historique vun der Affär vum Jacques Ganser


Méi zum Thema

De Roberto Traversini beim Gaardenhäisschen
Affär Dieschbourg/Traversini

De fréieren Déifferdenger Député-Maire Roberto Traversini huet säi Chantier an der Zone verte nom Passage vum Fierschter net direkt gestoppt. Dat beleeë Fotoen, eng Zeienausso an den Autorisatiounsdossier.

Traversini Gaardenhäisschen

De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

Regierung
No Artikel am "Lëtzebuerger Land"

DP, LSAP an déi gréng bekenne sech "ganz kloer" zur Dräierkoalitioun. Dat soe Vertrieder vun de Majoritéitsparteien no enger Nouvelle an der Wochenzeitung "Lëtzebuerger Land", datt d'CSV der DP an der LSAP eng Zweeërkoalitioun ugebueden hätt.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen