Sozialwahlen 2019 Eng Nischegewerkschaft bei de Sozialwahlen

D'NGL-SNEP kandidéiert bei de Sozialwahlen net méi fir d'Salariatskammer. Fir kleng Gewerkschafte wier dat ze opwändeg. Wéi eng Bedeitung hunn d'Sozialwahle fir eng kleng Gewerkschaft wéi d'NGL-SNEP?

Maxi Pesch / cbi

De Jean-Claude Poos vun der NGL-SNEP
De Jean-Claude Poos, de President vum Verwaltungsrot vun der NGL-SNEP. Foto: Armand Wildanger.

Den Armand Wildanger, Generalsekretär vun der NGL-SNEP, huet eng apokalyptesch Vue. "Mir sinn an engem System, deen um Enn ass. Déi Zeechen, déi mir gesinn, sinn d'Zeeche vun engem Niddergang." Wann ee keen doucen Iwwergang géif hikréien, "da kraacht et ganz gewalteg", an et misst een erëm bei Null ufänken.

Eng Nischegewerkschaft

Trotzdeem ass den Armand Wildanger zouversiichtlech, datt seng Gewerkschaft iwwerliewe wäert. Zanter eelef Joer ass de studéierte Gewerkschaftler, deen eegenen Aussoen no aus enger Aarbechterfamill kënnt, Generalsekretär vun der NGL-SNEP. Mat ronn 7.000 Membere wier déi Neutral Gewerkschaft Lëtzebuerg awer eng Nischegewerkschaft, seet hien.

"Mir hu gutt qualifizéiert Personal, mir sinn e klenge Betrib a mir wëllen dat och bleiwen. Dat huet e Virdeel, mir si wéi e Familljebetrib a mir kennen d'Leit wéi en Noper. An dat kreéiert eng Relatioun, wou dir direkt mam Problem mam Misär vun de Leit konfrontéiert gitt."

Wat ass d'Relatioun mam ADR?

D'NGL-SNEP ass 2008 duerch eng Fusioun vun NGL a SNEP entstanen. Zanterdeem pocht d'Gewerkschaft op hir politesch Neutralitéit. Och, wa si historesch mat der ADR verbonnen ass an den ADR-Deputéierte Gast Gibéryen sech als Éierepresident ausgëtt. Den Armand Wildanger präziséiert, datt de Gast Gibéryen zwar Éierepresident vun der NGL war, mee datt et zanter der Fusioun vun 2008 keen Éierepresident an de Statute virgesinn ass. "Mir hunn näischt mam ADR ze dinn. Fir eis zielen d'Salariéen."

An déi wëllt d'Gewerkschaft och dëst Joer vertrieden. Allerdéngs net an der Salariatskammer. 2013 krut d'Gewerkschaft kee Sëtz an der CSL a louch och an all de Gruppe wäit hanner den zwou gréisste Gewerkschaften OGBL an LCGB.

Keng Kandidatur fir an d'Salariatskammer

Dëst Joer wëllt d'NGL-SNEP sech deene Wahle guer net méi stellen. Dat géif nämlech näischt bréngen, mengt den Armand Wildanger. "Mir hunn enorm vill Geld doranner investéiert proportionell zu eise Moyene, wuelwëssent, datt mir net finanzéiert gi vum Staat." D'Kotisatioun fir Member an der NGL-SNEP ze gi géif bei 14 Euro leien, "an dovunner liewe mir". D'Wahle fir d'Salariatskammer géif ganz vill Ressourcë kaschten.

D'NGL-SNEP wier finanziell awer gesond a wéilt sech elo op d'Delégéiert an de Betriber konzentréieren. Mat engen 100 Kandidate rechent den Armand Wildanger dëst Joer, woubäi een Haaptfokus an der Konstruktioun géif leien. "Mir sinn an der Luxair vertrueden an am Gardiennage", seet den Armand Wildanger. "Mir huelen et wéi et kënnt."

"De Salarié ass am Mëttelpunkt"

Den Armand Wildanger bedauert, datt hautdesdaags Villes juristesch wier. "Mat Diskussioune kritt ee leider net méi vill gereegelt." Vun de fënnef Mataarbechter bei der NGL-SNEP wieren der dräi Juristen.

2013 hat Gewerkschaft mat der ALEBA zesummegeschafft. D'Bankegewerkschaft hätt dës Zesummenaarbecht elo mol op Äis geluecht an och mam OGBL wier eng Zesummenaarbecht 2019 net virgesinn, esou den Armand Wildanger. Et wéilt een net mat den aneren zesummeschaffen. "De Salarié ass am Mëttelpunkt an net eis Posten oder eis Verdéngschter", esou de Generalsekretär vun der NGL-SNEP.

"Et gëtt Wahlmanipulatioun"

De Wonsch iergendwann eng Kéier e Kollektivvertrag mat ze verhandele wier do, d'Ambitioun hätt een awer net. Eng Strategie fir d'Sozialwahlen den 12. Mäerz hätt d'Gewerkschaft och net. Den Armand Wildanger gëtt zou, datt d'Chancë fir an d'Salariatskammer ze kommen éischter kleng sinn, well et nëmmen eelef Prozent Wahlbedeelegung géif ginn. Weider behaapt den Armand Wildanger, datt Wahlmanipulatioun géif stattfannen. "Mir hu Beweiser dofir", seet hien.

Den Armand Wildanger mécht nach op Changementer bei der Gewerkschaft opmierksam. An noer Zukunft wäert de President vum Verwaltungsrot Jean-Claude Poos an d'Pensioun goen. An och den Armand Wildanger selwer wier bereet, säi Poste fir jonken Nowuess ofzeginn, dat wier alles guer kee Problem. D'Zukunft vun der Gewerkschaft fir assuréiert.

An der Mediathéik:

Aktuelles / / Maxi Pesch
Lauschteren

Méi zum Thema

Eng Versammlung
Sozialwahlen 2019

An enger S.A., bei där de Staat iwwer 25 Prozent vun de Parten huet, muss d'Personal am Verwaltungsrot vertruede sinn. Dat gëtt net ëmmer agehalen, well keen d'Applikatioun vum Gesetz afuerdert.

Estelle Winter, Dores Azeredo
Sozialwahlen 2019

D'Aarbechtskonditiounen am Botzsecteur wiere ganz schwiereg, soen d'Estelle Winter an d'Doris Azeredo. D'Salariéen hätten extrem flexibel Aarbechtszäiten, vun hinne géif eng grouss Mobilitéit erwaart ginn.

Chambre des Salariés
Sozialwahlen 2019

All Betrib mat iwwer 15 Salariéë muss eng Personaldelegatioun hunn. Hir Aufgab ass et, fir d'Interesse vun de Salariéen a Saachen Aarbechtskonditioune géintiwwer dem Patron ze vertrieden.

Tiago Ferreira an de Jean-Luc De Matteis
Bausecteur

Et géif e groussen Drock gi fir Bauprojete méi séier fäerdeg ze kréien, do si sech den Tiago Ferreira an de Jean-Luc De Matteis eens. Béid Gewerkschaftler fuerdere méi Kontrolle vun der ITM um Terrain.

Jean-Jacques Rommes
Wirtschaft a Soziales

Dës Attitüd vun der Regierung kéint een am Aarbechtsrecht feststellen, genee wéi an der Finanzpolitik, der Gouvernance vun der Sécurité Sociale, de Pensiounen an deemnächst och am Konsumenteschutz, sou de Jean-Jacques Rommes.

Laurent Mertz
Sozialwahlen

D'ALEBA ass der Meenung, datt deen zousätzleche gesetzleche Congésdag och am Banken- an Assurancësecteur fälleg ass, seet de Generalsekretär vun der Gewerkschaft Laurent Mertz.

Websäite vu Gewerkschaften
Sozialwahlen 2019

Bei de Sozialwahlen am Mäerz sinn iwwer 500.000 Persoune wahlberechtegt. Dorënner Lëtzebuerger, Frontalieren an Auslänner. D'Villsproochegkeet ass een Thema, dat d'Gewerkschafte berücksichtegen.

Patrick Dury
Sozialwahlen 2019

Dem OGBL géif et net ëm eng Eenheetsgewerkschaft goen, mee ëm eng eenzeg Gewerkschaft, seet den LCGB-President Patrick Dury. D'Zesummenaarbecht aus der Vergaangenheet hätt den OGBL op en Enn bruecht.

Konferenz clc iwwer d'Sozialwahlen
Sozialwahlen

Vu wéini u muss e Betrib eng Personaldelegatioun stellen? Mussen an engem Betrib mat méi Gesellschaften och méi Personaldelegatioune gewielt ginn? D'confédération luxembourgeoise du commerce liwwert Äntwerten.

Andre Roeltgen
Sozialwahlen

Den OGBL wëllt no de Sozialwahle weiderhin de President vun der Salariatskammer stellen, seet den André Roeltgen. Hie wëllt awer net kommentéieren, ob hie selwer um Posten interesséiert ass.

Jean-Claude Reding
Sozialwahlen 2019

No zéng Joer un der Spëtzt vun der CSL wëllt de Jean-Claude Reding net méi als CSL-President kandidéieren. Als Successeur kann hie sech den OGBL-President André Roeltgen gutt virstellen.

Bréifwahl
Sozialwahlen 2019

264 Kandidate vu sechs Gewerkschafte gi mat an d'Wahle fir d'Salariatskammer. Déi 60 Membere vun der CSL ginn am Mäerz per Bréifwahl gewielt. Wahlberechtegt sinn 526.476 Salariéen a Pensionéierter.

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen