Enseignement Eng Schoulrentrée ouni Masken

D'Schoulrentrée wäert duerch en héijen Impftaux bei den Enseignanten an de massiven Asaz vu Schnelltester markéiert sinn, esou den Educatiounsminister Claude Meisch haut virun der Press. D'Schüler am Fondamental an am Secondaire brauche wärend dem Unterrecht keng Mask méi unzedoen.

Carole Schimmer / cbi

Claude Meisch
Den Educatiounsminister Claude Meisch haut virun der Press. Foto: SIP / Julien Warnand

Lauschteren


Am Gebai a wärend dem Schülertransport gëllt weiderhi d'Maskeflicht - an déi kënnt och erëm, wann et an der Schoulklass eng Infektioun gëtt. An de Maison Relais gëllt fir Gruppe vun zéng Persounen un d'Maskeflicht. Parallel zur Test-Strategie si spezifesch Moossname virgesinn.

D'Schüler sollen zwee mol d'Woch getest ginn: am Secondaire gëtt een dovunner doheem gemaach, am Fondamental ginn allebéid d'Tester an der Schoul gemaach, erkläert d'Paulette Lenert. Dat hätt den "agreabelen" Nieweneffekt, datt d'Kanner en zertifiéierten Test kréien, dee si och ausserhalb vun der Schoul kënne benotzen.

Wann et een oder zwee positiv Fäll an enger Klass ginn, gëtt de CovidCheck-System agefouert, erkläert den Educatiounsminister Claude Meisch. Et wéilt een domat garantéieren, datt d'Schoulen an d'Maison relaise weiderhi kënne funktionéieren.

Speziell Dispositiver fir net geimpfte Kanner

Fir Kanner, déi net geimpft sinn, sollen all 48 Stonne Schnelltester an der Schoul organiséiert ginn. Nëmmen esou dierfen net geimpfte Kanner an d'Schoul - Kanner, déi sech net wëllen teste loossen, mussen dann a Quarantän.

Wann et dräi bis fënnef Fäll an enger Klass gi mussen déi net geimpfte Schüler alleguer an d'Quarantän - bei enger Infektiounskette gëtt ee Konzept vum Comité de pilotage proposéiert.

Mat dësem Dispositif wëllt een d'Grondrecht op Bildung assuréieren, esou och d'Gesondheetsministerin Paulette Lenert.

PCR-Tester am Fall vun engem Cluster

Wann et zu Clusteren an de Schoule kënnt kréien d'Schüler bei de mobillen Ekippe gratis ee PCR-Test ugebueden. Wa Schüler krank si solle se bei den Dokter goen; och dee kéint e PCR-Test verschreiwen, dee vun der Krankekeess rembourséiert gëtt.

Sollt de Virus awer sech nees extrem verbreeden ass net ausgeschloss, datt et nach eng Kéier zum Homeschooling kéint kommen, preziséiert de Claude Meisch.

Méi zum Thema

Alain Massen
Schoulrentrée

De Alain Massen begréisst, datt d'Maskeflicht an de Schoulen zum Deel soll ewech falen. Dat wier eng Aschränkung am Alldag gewiescht, esou de President vun der nationaler Elterevertriedung.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Virum Dag vu 6 bis 10

  • On air

    Sot emol - Laura Miller

  • Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen