No Kläppereien an der Stad Enquête wéinst Rebellioun a Police-intern Enquête goufe lancéiert
Eng Kläpperei hannert dem Palais op Nationalfeierdag kritt méiglecherweis Suiten: 100,7-Informatiounen no huet de Parquet eng Enqête wéinst Rebellioun opgemaach, an d'IGP eng Enquête wéinst méiglechem Feelverhale vun der Police. Dat krute mer vum Justizspriecher confirméiert.
E jonke Mann ass méi eescht am Gesiicht blesséiert ginn. Et gëtt elo iwwerpréift, ob d'Police Schold dorun ass. Eis leien eng Partie Videoe vir, déi op de soziale Reseaue gedeelt goufen. Dorop ass kloer z'erkennen, datt d'Situatioun hannert dem Palais eskaléiert ass. Zum Deel sinn och hefteg Aktioune vun der Police ze gesinn. Et goufe Knëppelen a Pefferspray agesat. E Grupp vu Jonken hätt moies um halwer dräi ëmmer nees randaléiert an d'Police provozéiert, huet et am Policebulletin geheescht. Deemno wier e Polizist mat der Fauscht geschloe ginn a Jonker wiere blesséiert ginn.
Méi zum Thema
Racial Profiling bei Police-Kontrolle vun Afro-Descendanten
Afro-Descendantë maachen zu Lëtzebuerg aner Erfarunge mat der Police, wéi déi generell Populatioun: Dat geet aus engem neie Rapport vun der EU-Agence fir Grondrechter ervir.
Police: Zuel un Iwwerfäll ass net méi héich
Et gëtt aktuell keng méi héich Zuel vun Iwwerfäll am Dag an de Stroosse vun der Stad - dat deelt d'Police op eis Nofro hi mat. Si confirméiert deemno déi rezent Aussoe vun der Stater Buergermeeschtesch net.
