Klimadebatt Entschëllegung a Kritik u Youth For Climate

Et géif der Piratepartei leed doen, datt si den Optrëtt vun hirem Kandidat fir d'Europawahlen, bei der Maniff fir de Klimaschutz, um Internetsite vun der Partei gepost huet. Dat seet den Deputéierte vun der Piratepartei Sven Clement.

Mick Entringer / cz

Sven Clement
Sven Clement

De Sven Clement betount awer och, datt d'Organisateure vun der Maniff virum Christian Welter senger Ried Bescheed gewosst hätten, wien hie wier. Hien hätt sech och un d'Oplo gehalen, fir a senger Ried net fir seng Partei Reklamm ze maachen. Donieft wier d'Piratepartei virun der Maniff fir de Klimaschutz gefrot gi fir Suen ze spenden.

Zweeërlee Mooss?

De Sven Clement kritiséiert, datt "mir virun der Maniff anscheinend gutt genuch ware fir en Don sollicitéiert ze ginn. Datt awer no der Maniff kritiséiert gëtt, datt e Kandidat, deen net a Parteifaarwe war, dee kee Logo op senge Kleeder hat, wou d'Organisateure woussten, datt hie parteipolitesch engagéiert ass, datt déi da kritiséiert gëtt."

Dem Sven Clement no wier an där Affär mat der Piratepartei eng Partei erausgepléckt ginn. Minister, Deputéiert a Politiker vun anere Parteien hätten nämlech op hire private Facebook-Säiten hir Participatioun bei der Maniff, mat Fändelen an an de Parteifaarwen, op Facebook gepost.

Am Wahlprogramm vun der Piratepartei kënnt d'Wuert Klima just zweemol vir. D'Piratepartei hätt d'Thema Klimawandel awer net vergiess a géif sech iwwerdeems och fir de Prinzip vum Pollueur-payeur ausschwätzen.

Zesummenaarbecht vu Piratepartei a PiD no Europawahlen en Thema

D'Piratepartei hat fir d'Chamberwahlen eng gemeinsam Lëscht mat der PiD, der Partei fir integral Demokratie. E Member vun der PiD kandidéiert och op der Lëscht vun der Piratepartei vun den Europawahlen. D'Fusioun vu béide Parteie wier eng méiglech Pist, déi och vun de perséinleche Resultater bei den Europawahle géif ofhänken an "dat hänkt och dovunner of, wien iwwerhaapt motivéiert ass, op wéi eng Pist weiderzegoen", sou de Sven Clement.

An der Mediathéik:

Invité vum Dag / / Mick Entringer
Lauschteren

Méi zum Thema

Friday For Future
Klimaschutz

Tëschent 7.000 a 15.000 Schülerinnen a Schüler hunn an der Stad beim "globale Streik fir de Klima" matgemaach. A villen anere Stied uechter d'Welt hu Jonker haut fir de Klimaschutz manifestéiert.

Cedric Metz Blanche Weber
Klimaschutz

De Mouvement écologique envisagéiert eng Plainte géint d'Regierung, wa bis Enn dës Joers keng ambitiéis Klimaschutzmesurë virgeluecht ginn. Am Ausland géifen et dofir genuch Virbiller ginn.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen