Politik Ersetzt de Marc Angel den Etienne Schneider an der Regierung?

De Marc Angel seet, hie géif sech op d'Aarbecht zu Bréissel a Stroossbuerg freeën, hie wollt awer net ausschléissen, datt hien nach am Laf vun der Legislaturperiod zréck op Lëtzebuerg kënnt, fir den Etienne Schneider an der Regierung ze ersetzen. Deen huet jo duerchblécke gelooss, datt hien net bis un d'Enn vun der Legislaturperiod wëllt Minister bleiwen.

Maurice Molitor (Interview) / Chris Zeien (Web)

Marc Angel
De Marc Angel (LSAP)

De Marc Angel geet dovun aus, datt hie säi Mandat als Europadeputéierten den 1. Dezember untriede wäert. Den LSAP-Deputéierte soll jo den Nicolas Schmit am Europaparlament ersetzen, soubal dee seng Aarbecht an der EU-Kommissioun ufänke kann. Dat hätt u sech den 1. November solle geschéien, klappt awer net, well eenzel Kommissärs-Kandidate vun den europäeschen Deputéierte refüséiert goufen. D'Franséisin Sylvie Goulard zum Beispill. Den Emmanuel Macron muss en neie Kandidat nennen, huet dat bis ewell awer nach net gemaach.

De Marc Angel ass der Meenung, datt de franséische President géif motzen. "En hat net domat gerechent, datt der Grande Nation esou eppes kéint passéieren", sou den Nach-Chamberdeputéierten.

Dëse Virgank géif awer och weise wéi demokratesch an transparent d'europäesch Institutioune sinn. Engem ëffentlechen Hearing vu ronn dräi Stonne misst kee Minister an engem EU-Staat sech ënnerzéien, ausser fir EU-Kommissär ze ginn. Dat géif hien immens positiv fannen, sou de Marc Angel.

"De Brexit wäert eis nach laang beschäftegen"

Fir de Marc Angel wier et eng Katastroph, wann et zu kengem Deal mat Groussbritannie géif kommen. Dat wier schlecht fir d'Vereenegt Kinnekräich a fir ganz Europa. Et géif och ëm e groussen Handelsaccord goen. "Ech erënneren drun, datt de groussen Handelsaccord mat Kanada siwe Joer laang verhandelt ginn ass. Mir wäerten eis nach ganz laang mat deem Thema beschäftegen a vill Energie dru verléieren", sou de Marc Angel.

De President vun der aussepolitescher Chamber-Kommissioun an zukünftegen Europadeputéierte Marc Angel gesäit kee Problem doran, datt d'EU de Brexit-Deal awer nach eemol no-verhandelt an de Backstop dobäi erausgeholl huet, obscho si béides virdrun ëmmer an ëmmer erëm ausgeschloss hat.

Déi europäesch Säit wier konsequent gewiescht

De Backstop wier erausgeholl ginn an et ass eng Ersatzléisung fonnt ginn, fir eng Grenz am iresche Mier ze maachen. Dat wier schonn Deel vun der éischter Offer gewiescht, déi d'EU gemaach huet. Mee dat war eppes, wat d'Premierministesch Theresa May op Kee Fall wollt deemools. Déi europäesch Säit wier sech op allefalls ëmmer konsequent gewiescht.

Et hätt hien och gewonnert, datt d'Theresa May de leschte Samschdeg fir den Deal plädéiert huet, well an deem Deal, deen de Samschdeg presentéiert gouf, genee dat dra steet, wat si deemools refuséiert huet. "Also et ass éischter e Manque de Credibilité op där anerer Säit, wéi bei den Europäer", sou nach de Marc Angel.

An der Mediathéik:

Invité vum Dag / / Maurice Molitor
Lauschteren

Méi zum Thema

Alex Bodry - Claude Wiseler
Nei Verfassung

D'CSV an d'LSAP kéinte sech virstellen de Syvicol zu enger Chambre professionelle ëmzewandelen, fir och an Zukunft ze garantéieren datt d'Gemengen e Matsproochrecht behalen, wann de Cumul vu politesche Mandater géif ofgeschaaft ginn.

LSAP Kongress
Europawahlen 2019

D'LSAP geet mat enger duebeler Spëtzt an d'Wahlen. De Schwéierpunkt vum Wahlmanifest läit op soziale Rechter an dem Klimaschutz. D'Kandidatelëscht gouf mat 90 Prozent vun de Stëmmen ugeholl.

LSAP-Wahlkongress, Juli 2018
Parteipolitik

D'LSAP wëllt sech erneieren. Um Parteikongress ginn een neie Parteipresident a Generalsekretär bestëmmt. Fir déi zwee wichtegst Responsabilitéitsposte gëtt et awer wéineg Interessi.

Franz Fayot a Félix Eischen
CSV an LSAP

Bei der CSV kandidéiert de Felix Eischen fir de Poste vum neien CSV Generalsekretär. Bei der LSAP wier den Deputéierte Franz Fayot drun interesséiert fir Parteipresident ze ginn.

Sammy Wagner
Chamberwahlen 2018

Den LSAP-Parteipresident an den LSAP-Generalsekretär missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort.

Programm

  • Notturno

  • On air

    Noriichten

  • Moies-Magazin

  • Iwwer Mëtteg

  • Resonanzen

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen