Digitalisatioun eSante bedauert, datt AMMD de Conseil verlooss huet

De Christian Oberlé, President vun der Agence eSanté bedauert, datt d'AMMD de Conseil de gérance vun der Agence verlooss huet.

Maxi Pesch / cbi

Christian Oberlé
De Christian Oberlé ass President vun der eSante. Foto: Archiv

D'AMMD huet der Agence reprochéiert, net genuch beim Ausbau vun der Digitalisatioun mat agebonne gewiescht ze sinn an datt d'Eegeninitiativ vun der AMMD fir ënner anerem d'elektronesch Patientendossieren iwwer eng App ze geréiere sabotéiert gi wier.

Eng Kritik, déi de Christian Oberlé am 100,7-Interview net gëlle léist: et wier am Interêt vu jiddwerengem gewiescht, datt déi Initiativ ee Succès gëtt, speziell fir d'AMMD a fir d'Gesondheetskeess.

"Et war am Interêt vun eis alleguerten, datt déi Initiativ ee Succès gëtt. Zemools am Interêt vun der AMMD, déi d'Doktere representéiert, an vun der Gesondheetskeess, déi d'Assuréë representéiert. Do ass eng Aart Dräiecksverhältnis geschafe ginn, wou d'Patient:in effektiv effektiv wierklech den zentrale Punkt ass an der Digitalisatioun, dat heescht d'Patient:in kritt vum Dokter déi Dokumenter geschéckt, an hie schéckt eis déi Dokumenter weider, wann hie wëllt. Sou wéi beim Pabeier hält hien d'Hand iwwer alles. Dat huet eis alleguerten arrangéiert an et hätt eis alleguerten arrangéiert, wann dat dote besser funktionéiert hätt."

Just eng 30 Doktere géifen dee System den Ament benotzen, seet de Christian Oberlé. Wisou de System net méi Succès hätt, konnt de President vun der Agence eSanté net konkret soen. Et hätt awer näischt mat Sabotage ze dinn.

Méi zum Thema

Dokter
DSP

De Sträit tëscht den Dokteren an der Santé iwwer d'elektronesch Patientendossiere verschäerft sech. D'AMMD huet de Conseil de gérance vun der Agence E-Santé aus Protest verlooss, confirméiert den Alain Schmit.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen