Luxleaks EU-Parlament fuerdert Gesetz iwwer Whistlebloweren

Luxleaks, Panama Papers oder Swiss Leaks - hannert all Publikatioun stécht een, deen dës Donnéeën no bausse ginn huet. Ee sougenannte Whistleblower. Datt een dofir ka viru Geriicht landen a bestrooft ginn, huet de Fall vum Antoine Deltour gewisen. Hien hat d'Luxleaks Donnéeën eraus ginn. Whistleblowere musse besser protegéiert ginn, fënnt eng Majoritéit vun den Deputéiert am Europaparlament. Si fuerderen, datt d'Europäesch Kommissioun séier soll een entspriechend Gesetz virleeën.

Danièle Weber

Antoine Deltour
Den Antoine Deltour am Haff vun der Cité judiciaire, Juni 2016

Den Antoine Deltour huet net virun ee Geriicht gehéiert. Där Meenung ass d'Majoritéit vun den Europa-Parlamentarier. "Wieren déi Mesuren, déi mir elo proposéieren, schonn a Kraaft, wier dat och net geschitt", seet d'Virginie Roziere, Rapportrice vum Parlament an deem Dossier.

Am Rapport proposéiert d'Europaparlament konkret Mesuren, fir dofir ze suergen, datt Whistleblowere besser protegéiert ginn.

Breet Definitioun vum Whistleblower

Éischte Punkt op der Lëscht fir eng besser Protektioun ass eng méiglechst breet Definitioun vum Lanceur d'alerte. Dozou gehéieren net nëmme Salariéë vun enger Entreprise, mee "jiddereen, deen Informatiounen erausgëtt, déi en Ugrëff op den Interêt général vun den europäesche Bierger opdecken", sou d'Virginie Rozière, déi a Frankräich Member vum Parti radical de gauche ass.

Ee Whistleblower muss géint intern Sanktiounen, géint Représaillen geschützt ginn, steet am Rapport vum Parlament.

Direkt un d'Press goen

Ee grousse Sträit Punkt ënnert de Parlamentarier war d'Fro: Däerf ee Whistleblower mat sengen Informatiounen direkt an d'Medie goen? Nee soten eng Partie konservativ Deputéiert, si hu sech dofir agesat, datt de Whistleblower fir d'éischt eng intern Prozedur duerchlafe muss.

Den CSV-Europadeputéierte Georges Bach war hei net mat der Majoritéit vu senger politescher Famill d'Accord. Aus senger Erfahrung als Personal-Delegéierte wéisst hien, datt et an der Praxis dacks net méiglech wier, deen interne Wee ze goen, wëll een do net weider kënnt.

Och de Fall Deltour wier ee gutt Beispill dofir, datt de Wee no bausse sech heiansdo imposéiert, seet d'Virginie Rozière. Ëmmerhin hätt et Ententen tëscht der concernéierter Entreprise an den Autoritéite ginn, do wier et kaum wahrscheinlech gewiescht, datt een um interne Wee wäit komm wier.

D'nächst Joer e Gesetz virleeën

Onofhängeg national Gremie missten d'Aufgab iwwerhuelen, d'Credibilitéit vun den Informanten an d'Wourecht vum Contenu iwwerpréiwen, sou eng weider Fuerderung vum Parlament.

Eng Revendicatioun ass zentral: D'Kommissioun soll eng Direktiv proposéieren, déi de gesetzleche Kader regelt.

Dat kéint awer nach e bëssen daueren. Déi Europäesch Kommissioun ass am gaangen eng Etude ze maachen - well awer eegenen Aussoen no net viru Februar d'nächst Joer eng Propos fir eng Direktiv op den Dësch leeën.

An der Mediathéik:

Europa Aktuell / / Danièle Weber
Lauschteren

Méi zum Thema

Deltour
LUXLEAKS

De Whistleblower well d'Uerteel vum LuxLeaks-Appellsprozess a Kassatioun ufechten. Am Uerteel géif et Elementer ginn, déi der Wourecht net géifen entspriechen, seet den Antoine Deltour am 100,7-Interview.

9861A4EF-3432-40F7-B677-F4C0F1F4C1F7.jpg
Luxleaks Appellprozess

An zweeter Instanz bleift et bei der Condamnatioun vun deenen zwee fréiere PWC-Mataarbechter Deltour an Halet. Dem Journalist Edouard Perrin säi Fräisproch ass haut vum Geriicht confirméiert ginn.

Luxleaks manif.JPG
Luxleaks Appellprozess

An der Affär Luxleaks kéinte béid fréier PWC-Mataarbechter an Appell besser ewech kommen. Allerdéngs wëllen si als Whistleblower fräigesprach ginn.

LuxLeaks
LuxLeaks

Wie Geschäfts- oder Staatsgeheimnisser verréit, gëtt vum Gesetz bestrooft. Ma wéi ass et, wann et am Intérêt vun der Allgemengheet geschitt ass? Eng Analys vum LuxLeaks-Prozess vum Affekot Frank Wies.

Fayot & Paulus
LuxLeaks Uerteel

Dem Strofrecht no hätt d'Geriicht net anescht kënnen tranchéieren, sou de Franz Fayot (LSAP) iwwert d'LuxLeaks-Uerteel. D'Magali Paulus vun "Tax Justice Lëtzebuerg" schwätzt vun enger verpasster Chance.

luxleaks
Luxleaks-Prozess

D'Uerteel am Prozess gëtt de Mëtteg um dräi Auer gesprach. Ugeklot sinn zwee fréier PWC-Mataarbechter an ee Journalist. D'Decisioun vun de Riichter dierft international fir Schlagzeile suergen.

Michel Pauly.JPG Meenung
LuxLeaks-Prozess

De Michel Pauly iwwert de Courage vu Whistleblower an den Zesummenhank vu Politik a Moral.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen