Europawahlen 2019 "Fir d'éischte Kéier en europäescht Wahlkampfthema"

Mam Klimaschutz hätt fir d'éischte Kéier en europäescht Thema am Mëttelpunkt vum Europawahlkampf gestanen. Déi Conclusioun huet den Olaf Münichsdorfer no den éischte Prognose gezunn.

Matthias Kirsch / cz

Victor Weitzel Olaf Münichsdorfer
De Victor Weitzel an den Olaf Münichsdorfer

Dëst hätt och zu der héijer Wahlbedeelegung bäigedroen: "Mir sinn an enger ganz spezieller Dramaturgie gewiescht, zum Beispill wann ee sech de Klimamouvement ukuckt. Dat war eng Europäiséierung vun engem Mouvement", sot den Olaf Münichsdorfer.

Fir de fréiere Beamten am Ausseministère a Publizist Victor Weitzel ass dat schlecht Resultat vun den Europäesche Konservativen de markante Fait: "Et muss ee sech d'Fro stellen, ob de Manfred Weber dee Mann ass, deen Europa brauch. Hien ass zimlech schwaach eriwwer komm."

Datt den Europawahlkampf zu Lëtzebuerg net esou wierklech Vitess opgeholl hätt, do ware sech béid Invitéen eens. Fir den Olaf Münichsdorfer hätt et zwar wuel eng Rei Sujete ginn, déi am Mëttelpunkt gestanen hätten, an "ech menge net, datt et en Desinteressi bei de Leit gouf. Mee et war sécher kee sou zougespëtzte Wahlkampf, wéi mir e vu fréiere Jore kennen."

De Victor Weitzel war iwwerdeems der Meenung, datt och d'Regierung hiren Undeel dorun hätt: "Ech hunn net den Androck, datt déi aktuell Regierung - a besonnesch de Premier Xavier Bettel an de Pierre Gramegna - Loscht hunn, vill un der Europäescher Unioun ze änneren."

Méi zum Thema

Joséanne Schroeder
Europawahlen

Genee Angabe kéint Joséanne Schroeder net maachen, et géif awer esou ausgesinn, wéi wa manner Leit hir Stëmm bei dësen Europawahlen ofginn hätte wéi soss, sou d'Presidentin vum Haaptwahlbüro um Lampertsbierg am 100,7-Interview.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen