Educatioun Fir d'Rentrée: Viraussiichtlech keng Maskeflicht méi am Fondamental

Fir d'Schoulrentrée zu Lëtzebuerg soll d'Maskeflicht am Fondamental ewech falen. Am Géigenzuch soll zwee Mol d'Woch an de Schoule getest ginn. Dat huet den Educatiounsminister Claude Meisch gëschter de Gewerkschafte proposéiert. D'Propos muss nach muer am Regierungsrot mat de Koalitiounspartner confirméiert ginn. De Stufeplang géif bäibehale ginn. Vum Zenario 1 un, also ab engem positive Fall an der Klass, géif d'Maskeflicht nees gëllen, esou d'Propos.

msi / fk / cz

Stoffmasken
Foto: Bigstock

Gewerkschaftsvertrieder begréissen dem Radio 100,7 géintiwwer, datt eng gewëssen Normalitéit soll zeréckkommen. Si bedaueren awer, datt de Minister net op d'Fuerderung vun de Raum-Loftfilteren agaange wier.

De Claude Meisch soll haut och weider mat den Enseignantsgewerkschaften iwwert d'Rentrée am Secondaire schwätzen. D'Féduse fuerdert an de Lycéeën d'Aféierung vum Covid-Check-System, fir d'Masken z'évitéieren. D'Regierung hat awer schonn an der Äntwert op eng parlamentaresch Fro uginn, dat wier fir si keng Optioun.

D'Gewerkschafte wiere gréisstendeels mat de geplangte Moossnamen averstanen, esou d'Nora Watgen vum Syndikat fir Erzéiung a Wëssenschaft beim OGBL. Et géif een awer bedaueren, datt d'Fuerderung vun de Raumloftfilter vum Dësch wier.

"Mir sinn do immens enttäuscht a fuerderen och vehement, datt déi géifen agesat ginn. D'Argument vun der falscher Sécherheet, domat si mir net averstanen a mir denken, datt alles, wann et nëmmen hëllefe kéint, datt dat dann och sollt agesat ginn. Virun allem wann d'Masken eben ewech falen, da wier dat u sech jo eng zousätzlech Sécherheet."

Méi zum Thema

Schoul
Educatioun

Fir datt d'Maskepflicht am Klassesall ewechfält an awer e Maximum u Sécherheet ka garantéiert ginn, verlaangt d'Féduse, datt an de Lycéeën, wéi an der Disco oder am Restaurant och, de Covid-Check agefouert gëtt.

Covidcheck
Aarbechtswelt

Fir eng Koherenz tëscht de sanitäre Mesuren an der Aarbechtswelt an dem Privatliewen ze kréien, wier dem Jean-Paul Olinger no eng méiglech Pist d'Aféierung vum CovidCheck System op der Aarbechtsplaz.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

  • Olympesch Spiller 2021

    D'Olympesch Spiller fannen, mat engem Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen