LuxLeaks Prozess Fir eng präzis Applikatioun vum Strofrecht

"Leit déi e beruffleche Secret violéieren an Donnéeë matgoe loossen, hunn eng Infraktioun begaangen", sou de François Prum, Bâtonnier vum Lëtzebuerger Barreau iwwer de LuxLeaks-Prozess. Sou laang Steieroptimiséierunge legal wieren, wier näischt schlecht drun. Hie begréisst awer, datt d'Finanzregulatioune méi streng ginn.

Mick Entringer / ys

François Prüm
François Prüm

"D'Prozesser ginn nach ëmmer an de Geriichtssäll gefouert, an net um Trottoir", sou de François Prum, Bâtonnier vum Lëtzebuerger Barreau. Wann déi Ugekloten am LuxLeaks Prozess d'Beruffsgeheimnis verletzt hätten an Donnéeë matgoe gelooss hätten, da wier eng Sanktioun drop ze spriechen.

Den Droit pénal wier ee präzisen Droit an e misst präzis interpretéiert ginn. Am Finanzsecteur wier de Secret professionell absolut noutwenneg, soss wier net méi an deene Milieuen ze schaffen. Eng Steieroptimisatioun wier keng Infraktioun. An der Ëffentlechkeet géif déi Differenz dacks net gemaach ginn, beklot de François Prum.

Ee Merite vum LuxLeaks-Prozess wier, datt méi streng Finanzregulatioune géife kommen. "Déi Regele mussen awer iwwerall applizéiert ginn. Et gëtt ëmmer ganz séier op Lëtzebuerg gewisen." Lëtzebuerg misst a sengen Aen net onbedéngt eng Virreiderroll bei méi strenge Regulatioune spillen.

Der Press geheit de François Prum vir, d'Justiz an d'Magistraten ënner Drock ze setzen. Mat Scoopen an Hetz wéilt d'Press bei hirem Public besser ukommen.

An der Mediathéik:

Invité vum Dag / /
Lauschteren

Méi zum Thema

Antoine Deltour virum Geriichtssall beim Luxleaks-Prozess
SREL / LuxLeaks

De Justin Turpel huet kritiséiert, datt e Geheimdéngscht-Agent de LuxLeaks-Prozess an de Solidaritéitscomité fir déi Ugeklooten observéiert hätt. Vum Staatsministère koum een Dementi.

Steiererklaerung.jpg
Steier- a Finanzpolitik

No Luxleaks a Panama Papers soll ee Wuert ganz grouss geschriwwe ginn: Transparenz. Lëtzebuerg wëll méi propper do stoen. Ee Réckbléck op dat wat dëst Joer gemaach ginn ass fir dat Zil ze erreechen.

Jean-Jacques Rommes
UEL

"Rulinge sinn eng gutt Mesure fir den Entreprisen eng Sécherheet ze ginn", seet de Generaldirekter vun der UEL. De Jean-Jacques Rommes kritiséiert d’Berichterstattung iwwert de Luxleaks-Prozess.

ICIJ LuxLeaks Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen