Coronavirus Fiskalitéit beim Télétravail

Gëschter hätt déi franséisch Police nëmme preventiv Kontrolle gemaach a keng Strofen ausgeschwat, wa Leit ënnerwee waren, ouni kënnen ze beweisen, datt si um Wee fir op d'Aarbecht sinn. Den Informatioune vun der Associatioun Frontaliers-Grand-Est no wier dat haut awer eriwwer. Frontaliere missten onbedéngt en Certificat dobäi hu vun hirem Employeur.

Stephan Polet / cbi

Policekontroll
Gëschter goufen et nach net vill Policekontrolle fir a Frankräich eran

De Bäitrag vum Stephan Polet lauschteren


Den Ament mécht Frankräich keng Kontrollen op der Grenz. Wann dat awer géif geschéien, wier et ëmsou méi wichteg, datt een déi néideg Certificaten dobäi huet, esou de Julien Dauer. Hien ass Responsabele vum Service juridique vun der Associatioun Frontaliers Grand-Est. Wa Leit zu méi an engem Auto fueren, misst jiddwereen en Attest vum Employeur dobäi hunn, esou seng Prezisioun.

Eng Fro vun der Sozialversécherung

Fir franséisch Frontalieren, déi elo vun doheem aus schaffen, stelle sech Froe vun der Fiskalitéit. Wa Frontaliere méi wéi 25 Prozent vum Joer am Télétravail sinn, misste si u sech eng franséisch Sozialversécherung hunn, déi an der Reegel méi héich ass, wéi zu Lëtzebuerg.

De Julien Dauer hätt d'Informatioun vum franséische Ministère de la santé et de la solidarité kritt, datt si am Fall vum Covid-19 eng Ausnam maache sollten, an datt d'Employéeën an Employeuren net géife froen, déi franséisch Sozialversécherung ze bezuelen.

Wie kritt d'Steieren?

En Accord tëschent Frankräich a Lëtzebuerg gesäit och vir, datt bis zu 29 Deeg am Télétravail kënne geschafft ginn, an awer all d'Stéieren zu Lëtzebuerg bezuelt ginn. Et ginn den Ament awer Verhandlungen um politeschen Niveau, fir dëst méi flexibel ze gestalten.

De Julien Dauer hätt nach näischt vun offizieller Säit héieren, betount awer, datt et och elo net verbueden ass, méi laang am Télétravail ze schaffen. Et kéint héchstens sinn, datt Frontalieren dann en Deel vun hirem Revenue a Frankräich musse versteieren.

Méi zum Thema

Policekotroll op der däitsch/lëtzebuergescher Grenz (Markusbierg)
Coronapandemie

Den Ausseministère rifft all d'Lëtzebuerger am Ausland op, dréngend heemzekommen. Ëmmer méi Länner géife Grenzkontrollen aféieren an et géifen ëmmer manner Transportméiglechkeete ginn.

Policekotroll op der däitsch/lëtzebuergescher Grenz (Markusbierg)
Däitsch-Lëtzebuergesch Grenz

Zanter dem Méindeg de Moie kontrolléiert déi däitsch Police d'Grenz op enger Réi Iwwergäng. Dat hat den däitschen Inneminister de Sonndeg schonn annoncéiert. Haut géif nach net esou streng kontrolléiert ginn, wéi et vum Dënschdeg un de Fall soll sinn.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen