Auereprozess Flavio Becca: Parquet freet Strof a Confiscatioun vun Aueren

Am sougenannten "Auereprozess" géint de Promoteur Flavio Becca huet de Vertrieder vum Parquet elo am fréien Owend eng Strof vun dräi an engem hallwe Joer Prisong mat eventuellem Sursis gefrot, eng Geldstrof vun 250.000 Euro grad wéi d'Confiscatioun vun 324 vun den am ganzen 842 Aueren, ëm déi et an dësem Prozess geet.

Serge Kesseler / tt

De Prozess géint de Flavio Becca virun der 12. Chambre correctionelle 2

De Premier substitut Guy Breistroff huet a sengem Plädoyer d'Gravitéit vun de Faiten erkläert: hien huet gefrot, datt de Flavio Becca vun der 12. Chambre correctionelle soll schëlleg gesprach ginn, wéinst "Abus de biens sociaux" a wéinst Blanchiment détention.

De Promoteur hätt sech bei sengen Entreprisen zerwéiert, wéi wann et säi private Besëtz gewiescht wier.

Well de Flavio Becca bis elo nach ni verurteelt gouf a well d'Faite relativ laang hier sinn, huet de Parquet net déi maximal méiglech Strofe gefrot.

Nom Motto "La société c'est moi", hätt de Beschëllegte sech fir de Kaf vun den Auere fir bal 18 Milliounen Euro bei sengen Entreprisen zerwéiert, wéi wann et säi private Besëtz gewiescht wier.

Mat der Replik vun der Defense vum Promoteur geet dëse Prozess um Mëttwoch Moien, 21. Januar op en Enn.

D'Affär war 2010 duerch Kontrolle vun de Steierverwaltungen un d'Rulle komm.

Méi zum Thema

Flavio Becca
Auereprozess

Am sougenannten "Auereprozess" géint de Flavio Becca huet den Affekot Hervé Temime de Fräisproch vu sengem Client gefrot. "Abus de biens sociaux" géif hei net existéieren, esou den Affekot a sengem Plädoyer.

Geriicht
Prozess géint Promoteur

De Flavio Becca seet d'Luxusaueren, déi hien iwwer seng Firma kaaft huet, wieren als Investissement geduecht. Hien huet zouginn, datt et e Feeler war, keng Trennung tëscht berufflechem a private Besëtz ze maachen.

De Prozess géint de Flavio Becca virun der 12. Chambre correctionelle 2
Prozess géint Flavio Becca

Iwwer d'Gesellschafte vum Grupp Becca goufen net nëmmen 842 Luxusauere kaaft, mee op d'mannst 879, grad wéi aner Luxusartikelen. Dat sot den Enquêteur vun der Kriminalpolice haut um Prozess géint de Flavio Becca.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen