Den OGBL wier mat fënnef bis sechs Reklamatioune wéinst sexuellen Avancen duerch den haitegen Administrateur Delegué Jeannot Berg géint Membere vum Personal confrontéiert ginn: Eng aus den 90er Joren, déi aner méi rezent, huet et de Moien op enger Pressekonferenz vu bal zwou Stonne geheescht.
Generell géif et bei der Fondatioun Kräizbierg eng Atmosphär vun Angscht ginn, wéinst enger ganzer Rei vu Mëssstänn, esou d'Gewerkschaft op Basis vun enger ganzer Rei vu konkrete Beispiller. An engem Foyer hätt et iwwer Méint e Broutmangel ginn, esou e vun de Virwërf. De Service Kiné hätt zum Deel net déi néideg Soine gemaach, d'Prestatioune wieren awer verrechent ginn. Bei engem Entloossungsgespréich wier eng Persoun zesumme gebrach. Scho 14 vun den am ganzen 390 Leit Personal hätten d'Fondatioun verlooss. De Verwaltungsrot mat un der Spëtzt dem Henri Grethen kritt e passiivt Handele virgehäit.
Als nächst Schrëtt huet den OGBL Entrevuë bei de Ministeren Dan Kersch a Corinne Cahen ugefrot. Weider gewerkschaftlech Aktioune bis hin zum Streik ginn net ausgeschloss.