Weltfraendag Fraen, Gewalt, Flucht a Migratioun

Den Internationale Fraendag steet dëst Joer am Zeeche vu Preventioun géint Gewalt géintiwwer Fraen op der Flucht. D'Christa Brömmel vum CID-Fraen an Gender ass skeptesch, datt déi spezifesch Form vu Gewalt géint Fraen als Asylgrond festgehale gëtt.

Mick Entringer / Françoise Keller

Christa Brömmel.JPG
Christa Brömmel

Den Internationale Fraendag steet och zu Lëtzebuerg ënnert dem Thema: Fraen, Gewalt, Flucht a Migratioun.

Lëtzebuerg wäert am Juni d'Istanbul-Konventioun ratifizéieren, esou d'Christa Brömmel vun der Plattform fir den Internationale Fraendag de Moien um radio 100,7. Bei dëser Konventioun geet et ëm d'Protektioun an d'Preventioun vu Fraen, déi Affer vu Gewalt sinn.

Kampf géint d'Gewalt géintiwwer Fraen

Déi politesch Beoptraagte vum "Informatiouns- an Dokumentatiounszenter - Fraen an Gender" Christa Brömmel erhofft sech dovu Verfolgung vu geschlechtsspezifesche Gewaltakten. De Staat soll doduerch eng Obligatioun kréien, fir déi betraffe Frae besser ze schützen.

Woubäi Lëtzebuerg schonn de Moment gutt Gesetzer hätt, fir Fäll vun häuslecher Gewalt a fir d'Affer vu Mënschenhandel, esou d'Chrtista Brömmel. Aner geschlechtsspezifesch Gewalt, wéi forcéiert Bestietnisser, wiere rechtlech awer net genuch cadréiert.

Gewalt géint Fraen als Asylgrond?

D'Christa Brömmel ass dann och skeptesch, datt déi spezifesch Form vu Gewalt géint Fraen als Asylgrond festgehale gëtt. Déi politesch Responsabel a Gestionnaire vu Flüchtlingsstrukture kruten eng Checklëscht vun der Plattform, fir den Encadrement vun de betraffene Fraen. Gefuerdert ginn zum Beispill Formatioune fir d'Personal an de Flüchtlings-Betreiungsstrukturen.

D'Mick Entringer huet sech mam Chrisa Brömmel ënnerhal:

Interview Christa Brömmel

Flüchtlingsfraen

Een Drëttel vun all de Flüchtlingen, déi eng Openthaltsgenehmegung an Europa kréie si Fraen, esou d'Fraen-Organisatioun vun de Vereente Natiounen. De Wee bis an Europa wier awer dacks vu Gewalt gepräägt, souwuel am Heemechtsland, wéi op der Flucht. Mee och an de Flüchtlingsstrukturen hunn d'Fraen net ëmmer déi néideg Beschäftegung, fir dem Erlieften aus de Féiss ze goen.

Allengstoend Fraen a Mamme mat klenge Kanner, déi op der Flucht sinn, ginn hei am Land zu Réiden un der Atert am Foyer Félix Schroeder vum Roude Kräiz opgeholl. Eng 37 Joer al Fra aus dem Kamerun an eng 27 Joer al Fra aus dem Irak ware bereet, fir iwwer d'Ëmstänn vun hirer Flucht an dat, wat hinne passéiert ass, ze schwätzen. Alle béid ware se der Gewalt vun engem oder méi Männer ausgesat.

Fir de Welt-Fraendag huet d'Françoise Keller mat den zwou Frae geschwat.

Radiobäitrag - Flüchtlingsfraen

Méi zum Thema

Massard Raskin Fonck.JPG
Fraen a Politik a Wirtschaft

Datt Fraen a Politik a Wirtschaft manner present si wéi Männer, läit och u festgefuerene Mentalitéiten – bei Männer a Fraen. Dat soten d'Invitéeën a "Riicht Eraus". Et gouf awer och Kritik un der Politik.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Vun 10 bis 2

  • On air

    Vun 10 bis 2

  • Resonanzen

  • Vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen