Geheimdéngscht Fréieren Agent "eréischt no der Affaire vun 2013" ADR-Member

De fréiere SREL-Agent André Kemmer ass eréischt no der Geheimdéngschtaffär vun 2013 Member vun der ADR ginn. Dat seet de Gast Gibéryen op Nofro hin. Den ADR-Deputéierten nuancéiert am 100,7-Interview och dat, wat hien eis gëschter Mëttwoch nach iwwer eng méiglech Kandidatur vum André Kemmer bei de Gemengewahle sot.

Jean-Claude Franck, md

Gast Giberyen
Gast Gibéryen (ADR)

"Et ass ni gesot ginn, datt den André Kemmer géif zu Schëffleng op enger ADR-Lëscht kandidéieren an et ass och net esou, datt den André Kemmer déi Lëscht opstellt", seet de Gast Gibéryen haut. Gëschter Mëttwoch hat hien eis gesot, den André Kemmer géif iwwerleeën, fir eng Schëfflenger ADR-Lëscht opzestellen an hie géif dat als ADR-Deputéierten ënnerstëtzen.

De Gast Gibéryen wëll iwwerdeems keng weider Detailer nennen iwwer d'Informatiounen, déi hie vun enger net bekannter Source iwwer eng illegal Ecoute am SREL krut. Hie géif muer Freideg an déi parlamentaresch Geheimdéngschtkontrollkommissioun goen, "fir ze kucken, wat d'Kollege vun him wësse wëllen".

ADR-Deputéierte wousst scho fréi Bescheed

De Gast Gibéryen ass vun der Kontrollkommissioun invitéiert ginn, well den ADR-Deputéierte virun zwou Wochen zouginn huet, schonn zënter Enn Februar/Ufank Mäerz ze wëssen, datt et am SREL eng illegal Ecoute gouf. Hien hat déi Informatioun also ier d'Geheimdéngschtkontrollkommissioun se krut. Hien hätt sech net gezwonge gefillt, fir d'Informatiounen un de Parquet weiderzeginn, sou den Deputéierten. Hien hätt nämlech keng Beweiser gehat.

De Gast Gibéryen am Gespréich mam Jean-Claude Franck:

Interview Gast Gibéryen

Méi zum Thema

Gast Gibéryen.JPG Exklusiv
Geheimdéngscht

De Parquet enquêtéiert, well d'Informatioun iwwer eng illegal SREL-Ecoute public ginn ass. An d'Chamberkontrollkommissioun wëll vum Gast Gibéryen (ADR) wëssen, firwat hie fréi vun der Ecoute wousst.

Justiz
Geheimdéngscht

An der Affär ëm eng illegal Ecoute beim Geheimdéngscht huet sech d'Justiz elo ageschalt. Regierung, SREL-Direktioun a Chamber-Kontrollkommissioun wollten de Fait net denoncéieren.

Telefonsecoute.jpg
Geheimdéngscht

De Geheimdéngscht huet eng Persoun méi laang wéi autoriséiert ofgelauschtert. D'Regierung, d'SREL-Direktioun an d'Kontrollkommissioun hunn d'Justiz net saiséiert. D'Oppositioun kritiséiert dat.

Net verpassen

Programm

  • Panorama

  • On air

    Iwwer Mëtteg vun 11 bis 2

  • Noriichten

  • Resonanzen

  • Am Nomëtteg vun 3 bis 6

Dossieren

  • Buchkriticken

    D'Kulturredaktioun vum radio 100,7 presentéiert Rezensioune vu Lëtzebuerger an internationale Bicher.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen