Dem Design wëll si trei bleiwen. D'Biennale Design City, déi si 2010 gegrënnt hat, wëll d'Anna Loporcaro "nei erfannen". Mam Mudam wier e wichtege Partner vun der Biennale ewechgefall. Mee si wéilt dat net opginn, well den Design wier en Deel vun hirer Carrière: "Ech wëll Lëtzebuerg op d'Kaart vum Design setzen", esou d'Anna Loporcaro.
D'Suzanne Cotter, Generaldirektesch vum Mudam zënter dem Januar 2018, sot am 100,7-Interview: "Fir eis ass all Depart och eng Opportunitéit fir en Aneren". Datt Mataarbechter, déi scho laang am Mudam geschafft hunn, eppes Neies wéilte maachen, wier normal. D'Zäite géifen änneren, d'Visiounen och. An et wier och normal, datt eng nei Direktioun eng eege Visioun hätt.