Pilotprojet Gesondheetskeess bedeelegt sech u Long-Covid-Projet

De Long-Covid-Projet gëtt verlängert, dës Kéier ass och d'Gesondheetskeess mat implizéiert. De Verwaltungsrot vun der CNS huet gëschter gréng Luucht ginn. De Projet géif gutt funktionéieren, seet de Christian Oberlé am 100,7-Interview.

Vesna Andonović / cbi

Christian Oberlé
De Christian Oberlé ass President vun der Gesondheetskeess. Foto: Archiv

Lauschteren


D'Decisioun vun der Gesondheetskeess fir um Long-Covid-Projet Deel ze huele wier net schwéier gefall, seet de Christian Oberlé. De Projet wier déi bescht Léisung fir Leit, déi u Long-Covid leiden, d'Prise en charge wier gutt a professionell.

Et géif finanziell gesi fir d'CNS Sënn maachen, de Projet ze ënnerstëtzen, seet de President vun der Gesondheetskeess:

"Wann eng Prise en charge effizient ass, da misst se jo ënner dem Stréch méi bëlleg ginn. [...]. Dat heescht mir gleewen un de Projet."

Mat der finanzieller Participatioun vun der CNS hunn d'Partner vum Projet elo och eng gewëss Sécherheet fir hir Mataarbechter, déi um Projet schaffen. Betraff heivunner sinn de Centre Hospitalier Luxembourg, de Rehazenter, de Centre Hospitalier Neuro-Psychiatrique an den Domaine Thermal zu Munneref.

Nomenclature kéint an dräi Méint prett sinn

Fir datt verschidden Traitementer am Domaine Thermal zu Munneref vun der CNS iwwerholl kënne ginn, ass nach en zousätzleche Schrëtt néideg, seet de Christian Oberlé: verschidden Tariffer wieren nach net festgeluecht.

D'Prozedur fir dës sougenannten Nomenclature leeft a kéint bis zu dräi Méint daueren. Soulaang géif d'Direction de la Santé d'Käschte vun deenen Traitement awer iwwerhuelen.

D'CNS erwaart sech, datt de Fonctionnement weider optimiséiert gëtt, sou datt de Projet de Kranken duerno eppes bréngt "an de Projet kascht och dat, wat e kascht", seet de Christian Oberlé.

De neie Long-Covid-Projet soll weider Erkenntnisser bréngen, déi ee bräicht fir de Projet och kënnen op Dauer ze perenniséieren.

Méi zum Thema

Long Covid Therapie Mondorf
Pandemie

Zënter e puer Woche gëtt hei am Land eng speziell Behandlung fir sougenannte Long-Covid-Patienten ugebueden. Eng wëssenschaftlech Etüd, gefouert vum LIH, soll elo och d'Donnéeë vun de betraffene Patienten auswäerten.

Nathalie Groeber
Medezin

Am Rehazenter maachen eelef Patienten eng Therapie am Long Covid-Pilotprojet. D'Nathalie Groeber ass eng vun deene Patienten. No enger Covid-19-Erkrankung Mëtt Dezember sinn hir Symptomer ni richteg fortgaangen.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen