Prisong "Gewalt géint Personal ass en no-go"

Ween op Gewalt setzt, dee misst och mat Konsequenze rechnen, seet de Justizminister Félix Braz. Den Dialog mat de Prisonéier ass einstweilen op Äis geluecht. D'CSV ënnerstëtzt dës Approche.

Maurice Molitor / cbi

Prison
Foto: Bigstock / Ric011

An de leschte Wochen hätt et eng Rei Incidente ginn am Prisong, sou de Félix Braz (déi gréng). Déi meescht wiere friddlech gewiescht: Sougenannt Streiken, wou d'Prisonéier refuséieren owes zréck an hir Zell ze goen.

Et wier awer vereenzelt och zu Gewalt komm géint Giischtercher, an dat wier fir hien absolut net ze toleréieren, ënnersträicht de Justizminister. Hien hätt der Delegatioun vun de Prisonéier dat och kloer gesot. Dialog kéint nëmme stattfannen, wann een och éierlech mateneen diskutéiere kéint. Ween op Gewalt géif setzen, dee misst duerno d'Konsequenzen dovun droen.

Ënnerstëtzung vun der CSV

Einstweilen ass den Dialog mat de Prisonéier also mol Äis geluecht, bis d'Situatioun sech nees entspaant. Dat ass gutt esou, a richteg, seet d'CSV, déi gréisst Oppositiounspartei. Si ënnerstëtzt also déi ferm Haltung vum Justizminister. Den Deputéierte Leon Gloden ënnersträicht, datt Gewalt géint d'Personal vum Prisong fir d'CSV en absoluten no-go wier.

Schwieregkeeten huet d'CSV awer fir nozevollzéien, wéi et ka sinn, datt am Prisong Handyen am Gebrauch sinn. Si freet sech, wéi et méiglech wier, datt Telefonen iwwerhaapt erakomm wieren. Wann een dat net ënnerbonne kréich, sollt ee wéinstens déi technesch Méiglechkeeten, déi et ginn, ausnotzen, fir ze verhënneren, datt Message kënnen zirkuléieren.

De Félix Braz huet an deem Kontext nach drop gehal kloer ze stellen, datt déi Facebook-Messagë mat Morddrohunge géint d'Personal, vun deenen d'Wort bericht huet, net vu bannen aus dem Prisong koumen, mee vu Leit dobaussen online gesat gi sinn.


De Maurice Molitor am Panorama e Samschdeg, den 21. Abrëll um 8 Auer:

Lauschteren


Méi zum Thema

Michel Lucius
Prisong

De Schraasseger Prisong ass chronesch iwwerbeluecht, seet de Michel Lucius. Den Direkter kritiséiert, mat der geplangter Prisongsreform kéinten ëmmer nach Mannerjäreger mat Erwuessenen agespaart ginn.

Vincent Theis
Vincent Theis

De Kampf géint Radikaliséierung steet zanter de rezenten Attentater a Frankräich an an Däitschland am Mëttelpunkt vun den Diskussiounen. Dacks gouf sech am Prisong radikaliséiert. Wat dogéint maachen?

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen