Wirtschaft Google plangt gréissten Datacenter zu Lëtzebuerg
Eisen Informatiounen no plangt den US-Internetkonzern een Investissement vu ronn enger Milliard Euro. Op engem Terrain vun ëm déi 25 Hektar géif dee wäitaus gréissten Datacenter am Land entstoen.
Eisen Informatiounen no wëll den US-Internetkonzern Google zu Lëtzebuerg een Datacenter bauen. Geplangt ass een Investissement vu ronn enger Milliard Euro. Op engem Terrain vun ëm déi 25 Hektar géif dee wäitaus gréissten Datacenter am Land entstoen. Google wëll dës Infrastruktur fir den eegene Bedarf exploitéieren. Bis Enn Juli soll de Projet an dréchenen Dicher sinn.
Datt Google ee gréisseren Investissement zu Lëtzebuerg plangt, hat de Wirtschaftsminister schonn zejoert via Twitter ugekënnegt.
In San Francisco, I discussed the implementation of a major investment project in Luxembourg with the co-founder of Google Larry Page pic.twitter.com/vpHZzkTCMm
- Etienne Schneider (@EtienneSchneide) 6 décembre 2016
Standuertvirdeeler
Op Nofro hi confirméiert den Etienne Schneider elo, datt et sech bei dësem Projet ëm een Datacenter soll handelen. Lëtzebuerg wier een interessante Standuert fir Google. Engersäits wéinst der gudder Infrastruktur fir d'Informatiounstechnologien. A wéinst den niddrege Stroumpräisser fir Industriebetriber, als deen een Datacenter agestuuft gëtt.
Weider Detailer wollt de Minister net kommentéieren.
De 4. Juli hat den Etienne Schneider am 100,7-Interview gesot, et wier een "an Diskussioune mat Google", mä hei missten nach "Terrainsfroe" gekläert ginn:
Méi zum Thema
Meenung
Nach keen digitalen New Deal
Bal zwou an eng hallef Milliarden Euro Strof soll Google un d'EU bezuelen, wéinst Verstéiss géint Konkurrenzrecht. De Problem vu senger Maartdominanz ass domadder awer nach net geléist.
SES: "Mir maache keng Politik a China"
De Satellittebedreiwer wëllt an de chinesesche Marché eraklammen. D'SES kéint awer net dofir responsabel gemaach ginn, datt déi chinesesch Regierung den Internet staark iwwerwaacht, esou de Philippe Glaesener.
Meenung
Enn vun der Plattform Pirate Bay?
No engem Geriichtsuerteel géint d'File-Sharing Plattform Pirate Bay, kéint et an Zukunft méi schwéier ginn, gratis Musek a Filmer um Internet erofzelueden. War et just eng Fro vun der Zäit?
Wann d'Realitéit d'Fiktioun anhëlt
De Mënsch ass ëmmer méi der Technik ausgeliwwert. De Karl Olsberg beschreift dat a sengem Roman "Mirror". Wéi säi Buch erauskoum, war een Deel vun der Handlung scho Realitéit. Ee Grond ze fäerten?
