Wirtschaft Google plangt gréissten Datacenter zu Lëtzebuerg

Eisen Informatiounen no plangt den US-Internetkonzern een Investissement vu ronn enger Milliard Euro. Op engem Terrain vun ëm déi 25 Hektar géif dee wäitaus gréissten Datacenter am Land entstoen.

Pia Oppel

Exklusiv Google
(Foto: © Bigstock / Photogearch)

Eisen Informatiounen no wëll den US-Internetkonzern Google zu Lëtzebuerg een Datacenter bauen. Geplangt ass een Investissement vu ronn enger Milliard Euro. Op engem Terrain vun ëm déi 25 Hektar géif dee wäitaus gréissten Datacenter am Land entstoen. Google wëll dës Infrastruktur fir den eegene Bedarf exploitéieren. Bis Enn Juli soll de Projet an dréchenen Dicher sinn.

Datt Google ee gréisseren Investissement zu Lëtzebuerg plangt, hat de Wirtschaftsminister schonn zejoert via Twitter ugekënnegt.

Standuertvirdeeler

Op Nofro hi confirméiert den Etienne Schneider elo, datt et sech bei dësem Projet ëm een Datacenter soll handelen. Lëtzebuerg wier een interessante Standuert fir Google. Engersäits wéinst der gudder Infrastruktur fir d'Informatiounstechnologien. A wéinst den niddrege Stroumpräisser fir Industriebetriber, als deen een Datacenter agestuuft gëtt.

Weider Detailer wollt de Minister net kommentéieren.

De 4. Juli hat den Etienne Schneider am 100,7-Interview gesot, et wier een "an Diskussioune mat Google", mä hei missten nach "Terrainsfroe" gekläert ginn:

Etienne Schneider - Google

Méi zum Thema

Pia Oppel Meenung
Wirtschaftschronik

Bal zwou an eng hallef Milliarden Euro Strof soll Google un d'EU bezuelen, wéinst Verstéiss géint Konkurrenzrecht. De Problem vu senger Maartdominanz ass domadder awer nach net geléist.

Philippe Glaesener.JPG
Wirtschaft

De Satellittebedreiwer wëllt an de chinesesche Marché eraklammen. D'SES kéint awer net dofir responsabel gemaach ginn, datt déi chinesesch Regierung den Internet staark iwwerwaacht, esou de Philippe Glaesener.

Pirate Bay.JPG Meenung
File-Sharing um Internet

No engem Geriichtsuerteel géint d'File-Sharing Plattform Pirate Bay, kéint et an Zukunft méi schwéier ginn, gratis Musek a Filmer um Internet erofzelueden. War et just eng Fro vun der Zäit?

Karl Olsberg
Literatur

De Mënsch ass ëmmer méi der Technik ausgeliwwert. De Karl Olsberg beschreift dat a sengem Roman "Mirror". Wéi säi Buch erauskoum, war een Deel vun der Handlung scho Realitéit. Ee Grond ze fäerten?

Net verpassen

  • Live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen