Datenzenter Google: PAG-Prozedur lancéiert

De Gemengerot zu Bissen wëllt nach am November iwwer d'Ëmklasséierung vum Terrain, op deem Google sech wëll nidderloossen ofstëmmen. Dat seet de Buergermeeschter vu Bissen, de Jos Schummer, op Nofro hin. Domader wier déi éischt wichteg Conditioun fir d'Realisatioun vum Projet Google Data Center zu Biissen erfëllt.

Maxi Pesch / cz

Google

An engem éischte Vott soll de Biisser Gemengerot also nach dëst Joer iwwer d'Modifiatioun ponctuelle vum PAG ofstëmmen. Deemno wieren déi grouss technesch Froen, wat d'Implantatioun vum Google Data Center zu Biissen ugeet, gekläert, esou de Jos Schummer, Buergermeeschter vu Biissen.

Nodeems all d'Ëmweltstudien ofgeschloss goufen, wësse mir jo wéi den Terrain ausgesäit." An der nächster Etapp misst elo den Terrain "fir deen doten Zweck ëmklasséiert ginn". Dat wier d'Ausgangspositioun, esou de Jos Schummer. Wann den Terrain, aus verschiddene Grënn, net kéint ëmklasséiert ginn, da kéint Google net op Biissen kommen. "Den Terrain muss klasséiert sinn. Dat heescht, e muss fräi sinn, datt si kënnen drop plangen, wat wouhinner stoe kënnt etc ..."

Schrëftlech Reklamatioune méiglech

Duerno hunn d'Bierger ee Mount laang Abléck an den Dossier. Si kënnen och schrëftlech reklaméieren. An enger nächster Etapp muss de Schäfferot déi eenzel Reklamatiounen analyséieren, éier et dann zum zweete Vott am Gemengerot kënnt, esou de Jos Schummer. Virdrun - Mëtt Oktober - sollen d'Bierger awer nach op enger Versammlung informéiert ginn.

Den Awunner soll erkläert ginn, wat genee elo weider geschéie wäert, wat fir een Afloss dëse Projet op d'Awunner wäert hunn. "Et ass jo net, wéi wa mir eppes wéilte verstoppen", sou de Jos Schummer.

Méiglech Léisunge fir Killwaasserzoufuer fonnt

Eng vun den anere grousse Froen, déi de Projet Google Data-Center zu Biissen opwerft, schéngt um gudde Wee ze sinn, eng Äntwert ze fannen. Et geet ëm d'Fro, mat wéi engem Waasser d'Anlag soll gekillt ginn. 100,7-Informatiounen no wiere Google an d'Ëmwelt-Autoritéite sech informell eens ginn, d'Pist vum Waasser aus der Uelzecht weider ze exploréieren an net op Drénkwaasser zeréckzegräifen. Datt een net wéilt op Drénkwaasser zeréckgéifen, confirméiert de Biisser Buergermeeschter.

Déi Gemengeresponsabel hätten ëmmer gesot, datt de Projet net dierft op Käschte vun der Ëmwelt goen. "Ech gesinn do d'Enn vum Tunnel. Et kéint ee souguer Ofwaasser aus enger Kläranlag huelen", sou de Jos Schummer.

Den Internetris Google hat d'lescht Joer Interessi gewise fir en Datenzenter an der Gemeng Biissen ze bauen. Enn Dezember hat Google déi 33 Hektar Land um Rouscht kaaft.


De Panorama-Bäitrag vum Maxi Pesch:

Lauschteren

Méi zum Thema

Pia Oppel Kommentar
Dateschutz

Sozial Netzwierker oder Sichmaschinne kann een als essentiell Servicer gesinn, déi zu Monopoler tendéieren. Eng méi strikt ëffentlech Kontroll kéint d'Äntwert sinn, mengt d'Pia Oppel.

google.jpg
Digital Ekonomie

D'Pläng fir en Datacenter vu Google an der Gemeng Biissen wäerte sech 2018 konkretiséieren. Enger gutt informéierter Source no ass déi prinzipiell Decisioun fir de Bau vun engem Datacenter gefall.

Pierre-Gramegna-Eurogroupe-Tallinn
Steierpolitik

Internet-Entreprisë wéi Google a Facebook sollen an der EU an Zukunft op Basis vum Ëmsaz an net vum Profit besteiert ginn. Dofir setzen sech eng Rëtsch EU-Länner an. Lëtzebuerg ass awer skeptesch.

Bei Google zu Mountainview, Kalifornien Exklusiv
Datacenter zu Biissen

De Site, dee Google fir de Bau vun engem Datacenter virgeschloe krut, ass eréischt ganz rezent op den Dësch komm. Hannergrënn iwwer en Dossier, an deem op eemol alles huet misse ganz séier goen.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen