Policegewerkschaft "Gréissten Deel vun de Bierger hale sech net un den Arreté"

Bei der Police wieren déi éischt Mataarbechter positiv op den neie Coronavirus getest ginn. Dem Pascal Ricquier no wier d'Organisatioun den Ament net einfach. D'Sécherheetsmesurë géifen awer virgesinn, datt d'Mataarbechter opgedeelt an net jiddweree matenee am Asaz wier. Et hätt ee sech esou organiséiert, datt déi Polizisten déi erausfueren, dee selwechten Auto géife behalen. D'Police hätt och e Stock u Schutzmaterial, dorënner Masken, Brëller a Plastikshändschen.

Rahel Könen / cz

Pascal Ricquier
De Pascal Ricquier ass de President vun der Police-Gewerkschaft

Et wier wichteg, datt déi Leit déi Kontrolle maache prioritär Schutzmaterial ausgedeelt kréien. Dem President vun der Police-Gewerkschaft no wier d'Schutzmaterial wärend de Kontrollen nach net am Gebrauch.

"Mir hunn och de Moie vun deenen, déi Kontrolle gemaach hunn, matgedeelt kritt, dat de gréissten Deel vun de Bierger sech net un den Arreté halen, dee vun der Regierung ausgestallt gouf."

Bestrofunge fir esou e Verstouss wieren zwar am Gesetz, op dat sech dat neit Reglement vun der Gesondheetsministerin baséiert, virgesinn - wieren dem Pascal Ricquier no awer mat enger schwéierfälleger Prozedur verbonnen an net effikass genuch.

"D'Police muss also d'Moyene kréien, an esou Situatiounen direkt en Avertissement Taxé an adequater Héicht ofzehuelen, wéi dat och am Stroosseverkéier ka gemaach ginn."

Fir d'Grenzkontrolle wier d'Lëtzebuerger Police den Ament net zoustänneg.

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen