Kandidatur Ursula von der Leyen Gréngen EU-Kommissär als Konditioun?

Op d'Stëmme vun de Gréngen am Europaparlament kéint et ukommen, wann déi nächst Woch iwwer d'Kandidatin fir Kommissiounspresidentin ze ginn, ofgestëmmt gëtt. Bis elo bleift ee skeptesch, esou d'Reaktioun no enger éischter Entrevue.

Danièle Weber (Bréissel) / cbi

Ska Keller
D'Ska Keller ass Fraktiounscheffin vun de Gréngen am Europaparlament. Foto: EU / Alexis HAULOT

'Kandidatin fir Presidentin vun der Europäescher Kommissioun ze ginn, d'Ursula von der Leyen hat e Méindeg eng Entrevue am Europaparlament mat de Cheffe vun der grénger Fraktioun.

Et war eng gutt Entrevue, sot um Enn déi gréng Fraktiounscheffin Ska Keller. Dat géif awer nach laang net heeschen, datt ee fir déi däitsch Kandidatin stëmmt. Et wier d'Fraktioun, déi dat decidéiert, an do soll d'Ursula von der Leyen e Mëttwoch am Nomëtteg hir Iddie presentéieren.

Den Asaz ass net vu Muttwëll, well déi Gréng Stëmme kéinten um Enn decisiv sinn. D'Europäesch Vollekspartei, bei där d'Ursula von der Leyen Member ass, kënnt zwar zesumme mat de Liberalen an de Sozialisten op eng Majoritéit.

Et ass awer nach laang net kloer, ob jiddwereen an deene Parteien der däitscher Kandidatin seng Stëmm gëtt. Also probéiert d'Ursula von der Leyen och déi Gréng ze iwwerzeegen.

Stäerkung vum Parlament ass zentral

Bis elo ass dat nach net gelongen, sot d'Fraktiounscheffin Ska Keller kuerz no der Reunioun. "Wegen der gesamten Prozedur und weil wir Grünen ständig vor die Tür gesetzt worden sind, gibt es nicht viel Appetit jemanden zu unterstützen, der jetzt mal eben vom Rat rausgeholt wurde."

Et géif een elo op konkret Propose vun der Kandidatin waarden, sou d'Ska Keller.

Wéinst deem ganze Fiasko mam Spëtzekandidatesystem, sollt doran och d'Roll vum Parlament gestäerkt ginn. Dat ass zentral fir déi Gréng, seet d'Ska Keller.

Wourop kënnt et soss nach un? Ganz vill war do aus der grénger Politikerin, déi selwer Spëtzekandidatin an den Europawahle war, net erauszekréien. Et wier bei dësem éischte Gespréich net iwwer spezifesch Punkte geschwat ginn.

Ee Punkt gouf dann awer op der Pressekonferenz ugeschwat: dee vun der Séinoutrettung, deen och zentral ass. Do misst eng europäesch Léisung fonnt ginn, sou déi gréng Politikerin.

E gréngen EU-Kommissär kéint hëllefen

Ass et dann eng gréng Konditioun, datt d'Ursula von der Leyen ee gréngen EU-Kommissär versprécht, fir eventuell kënnen op d'Stëmme vun de 74 Europadeputéierte vun de Gréngen zielen ze kënnen?

De Programm kënnt fir d'éischt, seet d'Ska Keller, mee:

"Wir wissen natürlich auch, dass man um das Programm umzusetzen auch Personen braucht, die es ernst meinen mit der Umsetzung dieses Programms. Deswegen ist es wichtig, dass wir auch grüne Personen an Stellen haben, die diese Umsetzung auch tun können."

E gréngen EU-Kommissär kéint also hëllefen. D'Ursula von der Leyen wëllt e Mëttwoch Nomëtteg an enger ëffentlecher grénger Fraktiounssëtzung kloer maachen, wou si der Partei kéint entgéintkommen. Den nächsten Dënschdeg stëmmt d'Parlament iwwer hir Kandidatur fir Kommissiounspresidentin ze ginn of.

An der Mediathéik:

Europa Aktuell / / Danièle Weber
Lauschteren

Méi zum Thema

Danièle Weber Analys
Nominatioun Ursula von der Leyen

D'Nominatioun vun der Ursula von der Leyen als Kommissiounspresidentin ass ëmstridden. Wéi steet et ëm d'Lëtzebuerger Responsabilitéit an deem Prozess? Dorop kucke mIr mat eiser EU-Korrespondentin Danièle Weber.

Matthias Kirsch
Chronik

D'Nominatioun vun der Ursula von der Leyen kéint d'Enn vun der Grousser Koalitioun bedeiten. Dat mengt eisen Däitschlandkorrespondent Matthias Kirsch a senger Chronik.

Ursula von der Leyen
Nominatioun vum Kommissiounspresident

D'Ursula von der Leyen muss vill politesch Orientéierungen iwwerhuelen, fir beim Vott am Europaparlament déi néideg Ënnerstëtzung ze kréien, soen de President Franz Fayot an de Christian Kmiotek.

Jean-Claude Juncker an Danièle Weber um EU Sommet Juli 2019
EU-Top-Posten

D'EU-Staats- a Regierungscheffe proposéieren, datt d'Ursula von der Leyen Kommissiounspresidentin soll ginn. De Xavier Bettel begréisst den Accord, fir de Jean-Claude Juncker ass de Spëtzekandidatesystem elo dout.

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen