Sozialwahlen 2019 Handwierkerfederatioun kritiséiert ITM

D'Handwierkerfederatioun ass rose mat der Gewerbeinspektioun ITM. Den Direkter vun der ITM Marco Boly sot, datt an 336 Betriber bei de Sozialwale virun dräi Woche kéng Personaldelegatioune gewielt gi wieren. Déi Betriber missten elo mat juristesche Konsequenze rechnen.

Pierre Reyland / cbi

Romain Schmit
De Generalsekretär vun der Handwierkerfederatioun Romain Schmit kritiséiert d'ITM. Foto: Archiv.

De Romain Schmit seet, hie wier "einfach e bësse sauer", well gemaach géif ginn, wéi wann de Betriber déi Wahlen egal gewiescht wieren. De Generalsekretär vun der Handwierkerfederatioun freet sech, ob een déi Betriber net anescht hätt kënnen approchéieren a se froen, ob si Schwieregkeete gehat hunn, an datt d'ITM hinnen dann hir Hëllef ugebueden hätt.

Genee dat wëllt d'Handwierkerfederatioun maachen. Si hätt eng Newsletter un all hir Membere geschéckt. De Romain Schmit mengt zwar net, dass Honnerte Betriber sech elo um Geriicht mussen erëmschloen, mee trotzdem géif d'Handwierkerfederatioun de Betriber juristesche Bäistand ubidden.

Kritik um elektronesche System

Dobäi bezweifelt de Romain Schmit, datt 336 Betriber hir Flicht, fir Personaldelegatioune wielen ze loossen, net erfëllt hätten. Hien zweiwelt der ITM hir Datebanken un: "Ech hunn nämlech d'Impressioun, datt déi relativ feelerhaft ass. Ech weess also guer net, ob et déi 300 Betriber [...] a leschter Konsequenz och gëtt."

An da wier et net onbedéngt de Betriber hir Schold, wa bei deene Wahle Saache schif goungen. Dee neien elektronesche System, dee fir dës Sozialwalen ageféiert gouf, a wou d'Betriber d'Resultater hu missen areechen, wier "eng Katastroph", esou de Romain Schmit. "Deen huet ganz schlecht funktionéiert." Et wier schwiereg gewiescht, fir d'Daten ze iwwermëttelen, an et hätt een och keng Confirmatioun kritt.


Detailer mam Pierre Reyland:

Lauschteren

Méi zum Thema

Marco Boly
Sozialwahlen 2019

336 Betriber hunn hir Flicht, fir eng Personaldelegatioun ze wielen, net respektéiert. Déi betraffe Betriber mussen elo mat juristesche Konsequenze rechnen, seet den Direkter vun der ITM Marco Boly.

Wahlen
Sozialwahlen 2019

Den OGBL behält mat 35 vu 60 Sëtz déi absolut Majoritéit an der Salariatskammer, huet awer dräi Sëtz un den LCGB verluer. De Chrëschtleche Gewerkschaftsbond huet elo 18 Sëtz an der Chambre des Salariés.

Programm

  • Virum Dag

  • On air

    Moies-Magazin

    • ZäithistorikerIn - 1940: Stater Meedercherslycée um Ufank vun engem neie Schouljoer

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen