Nom Virfall am Garer Quartier Henri Kox: Ëffentlech Sécherheet eleng Aufgab vun der Police

Den Tëschefall vun e Samschdeg den Owend am Garer Quartier an der Stad suergt ëmmer nach fir vill Gespréich. De Méindeg am spéiden Nomëtteg huet d'Stater Buergermeeschtesch ausféierlech op deen Incident reagéiert, bei deem jo e Mann vun engem Hond, dee mat private Sécherheetsagenten ënnerwee war, gebass gouf.

Maurice Molitor (Interview ) / Chris Zeien (Web)

Henri Kox

De Policeminister wëllt sech zum eigentleche Virfall nach net äusseren, mee d'Enquête ofwaarden. Et wier geféierlech sech elo a Spekulatiounen ze beginn, sou den Henri Kox. Hie bleift awer dobäi, datt privat Sécherheetsdéngschter a sengen Aen näischt am ëffentleche Raum ze sichen hunn. Do fir Uerdnung ze suerge wier eleng d'Aufgab vun der Police.

Datt d'Stad Lëtzebuerg de Kontrakt mat der Firma G4S trotz deem Incident bis u säin Enn wëllt weider lafe loossen, hëllt hien zur Kenntnis. De Policeminister hofft awer, bis dohin e Pak u preventiven a repressive Mesurë géint d'Drogekriminalitéit prett ze hunn, deen déi Gemenge-Responsabel eventuell dovun ofhält, dee Kontrakt iwwer den 1. November eraus ze verlängeren. Fir de Rescht verweist hien op dee massive Rekrutement, dee bei der Police amgaang ass, an deen den Effectif bannent den nächste Joren ëm netto 600 Beamte wäert eropschrauwen. De Policeminister huet och nach eemol op dee grousse Rekrutement verwisen, deen amgaang ass. Aktuell wären 200 jonk Leit an der Policeschoul ënnerwee.

Bei der Police wier och kloer gereegelt, wat geschitt wann eppes aus dem Rudder leeft. Fir méiglech Excèse bei der Police ze kontrolléiere géif et beispillsweis d'Inspection générale de la Police (IGP) ginn. Et dierft een d'Grenzen net vermëschen.

D'IGP ass am Moment mat zwee Tëschefäll bei deene Polizisten involvéiert ware befaasst. Zu engem dovu seet de Minister:

"Dass natierlech heiansdo emol en Excès ka passéieren an där Situatioun hannert dem Palais Nationalfeierdag, dat sinn eenzel Aktiounen."

An der Mediathéik:

Invité:e vum Dag / / Maurice Molitor
Lauschteren

Méi zum Thema

Kox Polfer
Quartier Gare

De Minister fir bannescht Sécherheet schléisst aus, datt d'Police an der Stad mat private Sécherheetsleit zesummeschafft. Den Henri Kox betount, eleng d'Police wier fir d'Sécherheet am ëffentleche Raum zoustänneg.

Police op der Stater Gare
Stad Lëtzebuerg

D'Decisioun vum Stater Schäfferot fir enger privater Sécherheets-Entreprise den Optrag ze ginn am Garer Quartier Patrullen ze maachen, suergt fir vill Diskussiounen tëschent Gemengeresponsabelen an dem Policeminister.

Police Lëtzebuerg
Drogekriminalitéit

Pro Joer gi 4.500 Dossiere wéinst Drogekriminalitéit beim Parquet opgemaach, seet de Laurent Mosar. Dat wier net nëmmen e Problem vun der Justiz an der Police, mee och um Niveau vun der Gesondheet.

Net verpassen

  • 08.12. Klassik Live: L'enfance du Christ

    Berlioz.jpg

    De Philharmoneschen Orchester Lëtzebuerg an d'Gächinger Cantorey an der Philharmonie: De radio 100,7 iwwerdréit de Concert haut den Owend live vun 20:00 Auer un.

Programm

Dossieren

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen