Groussregioun Inkubator fir Europa?

"Europa entsteet an der Groussregioun". Mat dem Saz huet d'Saarland d'Presidence fir d'Groussregioun vu Lëtzebuerg iwwerholl. Fir eng konkret Zesummenaarbecht bleift allerdéngs nach villes ze maachen, huet et zu Rëmersche geheescht.

Maxi Pesch / cbi

Sommet Groussregioun
Vertrieder aus fënnef Regiounen hu beim Sommet vun der Groussregioun deelgeholl. Foto: SIP / Axel Kohlhaas.

Et wier wichteg, ee legale Kader ze schafe fir déi gemeinsam Projete wéi zum Beispill Formatiounszenteren oder den Noverkéier ze droen, esou de saarlännesche Regierungschef Tobias Hans nom Sommet zu Rëmerschen. Dofir géif ee sech an der EU fir den ECBM asetzen, den "European Cross Border Mechanism", deen engem eng juristesch Grondlag kéint ginn.

Iwwer déi rezent Propose vum Wirtschafts- a Sozialcomité vun der Groussregioun vun engem Gemeinsame Fong fir d'Groussregioun gouf net diskutéiert, esou déi lëtzebuergesch Ministesch fir d'Groussregioun Corinne Cahen.

Zesummenaarbecht iwwer d'Grenzen

Ob den ëffentlechen Transport an Zukunft fir Frontaliere kéint gratis gi wier net geschwat ginn. Méi wéi dräi Véierel vun den am ganzen iwwer 230.000 Grenzgänger an der Groussregioun hunn 2017 hei am Land geschafft.

Onkloer wier och nach villes bei der grenziwwerschreidender medezinescher Versuergung. De Ministerpresident vun der däitschsproocheger Gemeinschaft vun der Belsch, den Oliver Paasch, mengt, datt Leit d'Plus-value vun der EU net géife spieren, wa si net d'Méiglechkeet hätte fir ouni Problemer an e Spidol oder bei en Dokter déi aner Säit vun der Grenz ze goen, ouni datt dat eppes kascht.

D'Leit matrappen

Ënner der Lëtzebuergescher Presidence wier d'Groussregioun a ville Beräicher weiderkomm, huet et nom Sommet vun der Groussregioun geheescht. Een Zil vun der Saarlännescher Presidence an den nächsten zwee Joer wier et elo d'Projete méi siichtbar ze maachen an d'Mënsche méi matzerappen.

De saarlännesche Regierungschef Tobias Hans ënnersträicht, datt Europa an der Groussregioun entsteet. "Und deswegen ist das ein Inkubator Europas und diese Entwicklung wollen wir nochmal in den Vordergrund stellen."

D'Groussregioun zielt 12 Millioune Mënschen a fënnef Regiounen: d'Lorraine, d'Saarland, d'Wallonie, Rheinland-Pfalz a Lëtzebuerg.

An der Mediathéik:

Aktuelles / / Maxi Pesch
Lauschteren

Méi zum Thema

Estelle Evrard
Groussregioun

D'Gouvernance vun der Groussregioun muss un déi wirtschaftlech a virun allem och un déi sozial Realitéiten ugepasst ginn, seet d'Geografin Estelle Evrad. Dofir bräicht een awer politesche Wëllen.

Groussregioun
Zesummenaarbecht an der Groussregioun

De Wirtschafts- a Sozialcomité vun der Groussregioun huet seng Recommandatioune fir eng besser Zesummenaarbecht presentéiert. Et wier wichteg, datt d'Ënnerscheeder an der Groussregioun net méi grouss ginn.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen