Integratioun an Accueil "Integratioun ass esou vill méi"

D'Integratiounsministerin wäert an Zukunft net méi zoustänneg gi fir de Volet Accueil vun de Flüchtlingen. D'Integratioun an den Accueil gi vunenee getrennt. Deen Deel vum OLAI (Office luxembourgeois de l'accueil et de l'intégration) gëtt dem Immigratiounsministère ënnerstallt. Dat wier de Wonsch vun den Associatioune gewiescht, esou d'Corinne Cahen.

Mick Entringer / cbi

Corinne Cahen
D'Corinne Cahen ass Familljeministesch a war Verhandlungscheffin fir d'DP.

Zesumme mam Jean Asselborn hätt d'Corinne Cahen gekuckt, wat d'Leit um Terrain soen. "Ech mengen, datt et sënnvoll ass, datt Leit, déi aus dem Krich kommen, déi aus enger schwéierer Situatioun kommen, datt déi e Guichet unique souzesoen hunn." Et wier de Wonsch gewiescht, datt déi Leit alleguerten "aus enger Hand" betreit géife ginn.

Den "Vivre ensemble" thematiséieren

Eng weider Erklärung, wisou datt Integratioun an Accueil getrennt géife ginn, kann een och bei der Integratioun selwer feststellen. Bis elo wier, wann ee vun Integratioun geschwat huet, domat ëmmer automatesch Flüchtlingspolitik gemengt. Integratioun géif awer vill méi bedeiten, esou d'Corinne Cahen:

"Integratioun hei am Land, wou bal 50 Prozent vun den Awunner net Lëtzebuerger sinn, dat si jo net alles Flüchtlingen. Dat si Leit, déi heihinner wunne kommen, déi heihinner schaffe kommen, deenen hir Kanner hei an d'Schoul och ginn. Déi aus wéi engem Grond och ëmmer hei sinn. Déi ganz vill och d'duebel Nationalitéit och kréien. Dee "Vivre ensemble" ass eppes, wat mir nach vill méi thematiséiere mussen, an dat wollte mir nach eng Kéier vill méi grouss a vill méi wichteg maachen. An dofir hu mir dat esou decidéiert.

Recht op Deelzäitaarbecht: Mat Sozialpartner verhandelen

Wann d'Betriber net genuch Leit fanne fir ze rekrutéieren, da misste se vläicht och iwwer d'Aarbechtskonditioune vun hire Salariéen nodenken. Dat seet d'Familljeministesch Corinne Cahen zur Kritik vum Romain Schmit. De Generalsekretär vun der Fédération des artisans huet déi weider geplangte Flexibiliséierung vum Congé parental kritiséiert.

Am Koalitiounsaccord ass virgesinn, e Recht op Deelzäitaarbecht aus familiäre Grënn anzeféieren. Dat soll mat de Sozialpartner ausgehandelt ginn. D'Corinne Cahen mengt awer net, datt dat schwiereg Verhandlunge wäerte ginn.

No iwwer engem Mount Verhandlunge sinn d'lescht Woch d'Koalitiounsverhandlungen op en Enn komm. De Regierungsaccord tëschent DP, LSAP an déi gréng gouf e Méindeg vun de Verhandlungscheffe vun de jeeweilege Parteien ënnerschriwwen. En Dënschdeg hunn d'Gremie vun den dräi Parteie gréng Luucht ginn. E Mëttwoch gouf déi nei Regierung vum Grand-Duc vereedegt.

An der Mediathéik:

Invité vum Dag / / Mick Entringer
Lauschteren

Méi zum Thema

Laura Zuccoli
Nationalen Aktiounsplang fir Integratioun

D'Chamber debattéiert dësen Donneschdeg iwwer den nationalen Aktiounsplang fir Integratioun. D'Laura Zuccoli vun der Asti bedauert, datt d'Politik déi sozial Kohäsioun net méi thematiséiert.

Nom Accueil, d'Integratioun
Flüchtlingspolitik

Sproochen, Aarbechtsmaart, Schoul a Logement stelle Flüchtlinge virun enorm Erausfuerderungen. Bis elo hätt sech virun allem d'Zivilgesellschaft ëm d'Integratioun bekëmmert, kritiséieren Asti a Caritas.

Yves Schmidt
Caritas Lëtzebuerg

Caritas Lëtzebuerg geréiert eelef Foyere fir Asyldemandeure mat enger Gesamt-Kapazitéit vun 1.240 Plazen. Ronn een Drëttel vun de Platzen ass fräi, esou de Caritas-Vertrieder Yves Schmidt.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen