Wéinst der Energiekris Meris Sehovic: D'Regierung muss séier zilgeriicht Mesuren op de Wee bréngen
Déi Gréng hätten den Tankrabatt just matgedroen, fir en Accord an der Tripartite méiglech ze maachen, seet hire Co-President Meris Sehovic. Vun der Mesure u sech hätt seng Partei awer zu kengem Moment eppes gehalen, ënnert anerem well se komplett on-selektiv wier. Anescht wéi déi séier Direkthëllef, déi déi gréng elo fir all d'Leit am Land fuerderen, déi kee grousst Akommes hunn.
Hie geet dovun aus, datt alleguer déi politesch Acteuren zu Lëtzebuerg missten agesinn, datt et selektiv Mesurë brauch, wat déi Kris méi laang undauert an "datt mer net kënne mat der Géisskan fueren". Dat kéint de Staatsbudget net verkraaften an dofir misst een do hëllefen, wou déi gréissten Noutlage bestinn.
Déi vun de Grénge gefuerdert Direkthëllef fir Leit, déi kee grousst Akommes hunn, misst séier kommen, se misst selektiv sinn, op eng onkomplizéiert Aart a Weis ausbezuelt ginn, a vun enger Gréisstenuerdnung sinn, déi den tatsächleche Méikäschten entsprécht, sou de Meris Sehovic. Et wier jiddefalls elo wichteg, datt d'Regierung d'Signal gëtt "Mir loosse keen an der Keelt sëtzen".
An der Mediathéik:
LauschterenMéi zum Thema
Laang Liwwerdelaie bei Wäermepompelen
D'Demandë fir al Heizungsinstallatiounen duerch méi moderner ze ersetze wiere bei sengem Betrib ëm ronn 40 Prozent geklommen, esou den Alexander Kieffer, Vize-President vun der Handwierkerkammer am 100,7-Interview.
Den Tankrabatt ass ausgelaf
Vun haut u gëtt et kee staatlechen Tankrabatt méi. De Staat hat bei den Accisen um Sprit op 7,5 Cent verzicht fir d'Präisser ze drécken. Déi ëmstridde Mesure soll de Staat 65 Milliounen Euro kascht hunn.
Héich Energiepräisser: déi gréng fuerdere finanziell Hëllef
Déi Gréng fuerderen, datt d'Séit wéinst den héijen Energiepräisser direkt nach eng Kéier vum Staat gehollef kréien. D'Koalitiounspartner wëlle virun der Tripartite awer keng nei Mesuren decidéieren.
Lëtzebuerg huet säin EU-Gas-Späicher-Zil vu 15 Prozent erreecht
Lëtzebuerg ass, am Verglach mat anere Länner, relativ wéineg ofhängeg vu russeschem Gas. De Regierungskommissär fir Energiefroe schwätzt vun 13 Prozent, déi russesche Gas am nationale Gas-Mix géif ausmaachen.
