100komma7.lu

Iwwer Quantitéit a Qualitéit an de Lëtzebuerger Bëscher

Anescht wéi an den Trope geet et de groussen Déieren an eise Bëscher gutt. Mee dofir hunn déi kleng et méi schwéier. Dat erkläert den Dr. Laurent Schley, Biolog an Directeur adjoint vun der Naturverwaltung am 100,7-Interview, e puer Deeg no der Publikatioun vum WWF-Rapport iwwer de schlechten Zoustand vun de Bëscher weltwäit. D'Ëmweltorganisatioun hat doranner festgestallt, datt d'Déiere-Bestänn an de Bëscher zanter 1970 am Duerchschnëtt ëm d'Hallschent zeréckgaange sinn. Datt d'Situatioun zu Lëtzebuerg méi positiv ass, hätt domadder ze dinn, datt an eise Géigenden d'Bëscher scho viru ronn 200 Joer komplett zerstéiert waren an zanterhier erëm am Opbau sinn. Wéi et deemools zu der Zerstéierung vum Bësch koum, huet d'Christiane Kleer de Laurent Schley gefrot.