Jugendschutz Jonker an Nout: Et feelt u Plazen
E feelt un Urgencëplaze fir Jonker a Schwieregkeeten eng méi laang Zäit ze betreien, seet Generaldirectrice vun der "Fondation Maison de la porte ouverte". D'Myriam Mersch-Zimmer wënscht sech eng besser Gesetzgebung fir de Schutz vu Mannerjäregen.
Et misste méi Plaze ginn, wou Jonker an Nout méi laang wéi sechs Méint kënne begleet ginn. Fir d'Generaldirectrice vun der "Fondation Maison de la porte ouverte" ass dat eng wichteg Viraussetzung fir eng familiär Reintegratioun ze preparéieren.
D'Eltere méi abannen
Am Kader vun der Reform vum Jugendschutz an der "Tutelle" missten d'Eltere méi Rechter behalen, esou d'Myriam Mersch-Zimmer. Aktuell verléieren d'Elteren d'Autorité parentale, wann e Jonken an e Foyer placéiert gëtt. Dat misst ee méi nuancéiert ugoen, d'Eltere sollte méi mat an d'Begleedung vun hirem Kand agebonne ginn.
Déi chrëschtlech Fondatioun geréiert Acceuilstrukture fir Mannerjäreger. Zu Eech gëtt en neie Foyer exklusiv fir 31 Jongen tëscht 10 an 18 Joer gebaut. D'Myriam Mersch-Zimmer fënnt et gutt, wann an de Foyere Jongen a Meedercher getrennt sinn.
An der Mediathéik:
LauschterenMéi zum Thema
Reformdiskussioun hannert zouenen Dieren
Soll d'Informatioun ëffentlech gemaach ginn, wien d'Avise vum Conseil d'Etat schreift? De Staatsrot an d'Institutioune-Komissioun vun der Chamber hunn doriwwer diskutéiert, wëllen awer näischt soen.
Kooperatioun am Déngscht vun de Kanner
D'"Association pour la prévention des sévices à enfants" schafft elo méi enk mat de Spideeler zesummen, erkläert d'Affekotin Valérie Dupong. D'lescht Joer huet d'Associatioun 300 Kanner suivéiert.
