D'Medien am Koalitiounsaccord Journalistegewerkschaft begréisst Koalitiounsaccord

D'Journalistegewerkschaft ALJP begréisst den Koalitiounsaccord. Blo-Rout-Gréng wier ville Fuerderunge gerecht ginn. Ënner anerem soll d'Reform vun der Pressehëllef virugedriwwe ginn, iwwer eng eventuell ëffentlech-rechtlech Tëlee debattéiert ginn oder nach den Zougang zu Informatioune fir Journaliste reforméiert ginn. Eng Mesure, déi d'ALJP besonnesch begréisst, erkläert de President Luc Caregari.

Maxi Pesch / cz

Luc Caregari
De President vun der Journalistegewerkschaft, Luc Caregari (Foto: Archiv)

Et geet eis drëm, Lëtzebuerg un den Niveau vu sengen Nopeschlänner ze adaptéieren. Et ass net, wéi wa mir elo géifen Extrawurschte verlaangen. Et ass einfach esou, datt Lëtzebuerg ee vun den eenzege Länner an der EU ass, dat keng esou eng Gesetzgebung huet. Mir hu laang Lobbyaarbecht gemaach. Och virun de Wahlen hu mir sämtlech Parteien ofgeklappert, fir hinnen nach eng Kéier genee ze erklären, wat mir wëllen a firwat dat wichteg ass. Ech erënneren och nach eng Kéier drun, datt de Presserot schonn am Joer 2016 e Reformentworf fir d'Pressegesetz beim Xavier Bettel, dem deemolegen an och aktuelle Medieminister hannerluecht huet. Bis elo huet hien awer net dorop reagéiert. Dat heescht, mir si frou an deelweis och iwwerrascht, datt eis Fuerderung et sou kloer bis an de Koalitiounsprogramm gepackt huet. Natierlech si mir elo net am Gaangen de Schampes opzemaachen, mee mir halen eis bereet fir driwwer ze schwätzen an ze verhandelen. Wann ech mat auslännesche Kolleege schwätzen an hinne soen, datt mir kee sou en Zougang hunn, da kucken déi ee komesch an déi kënnen dat och deelweis guer net gleewen.

Maxi Pesch: D'Circulaire Bettel gëtt et jo awer weiderhin.

Luc Caregari: Déi wäert weiderhin existéieren, bis dat Gesetz reforméiert ass. An dono muss se entweder adaptéiert oder ofgeschaaft ginn. Dat wäert sech da weisen. Mir sinn och gespaant, wéi de Medieministère déi Saach wëllt ugoen. Wéi gesot, mir hunn eng Propos eragereecht. Als ALJP-President wëll ech och op Basis vun där Propos verhandelen.

Am Koalitiounsaccord steet, datt weider un der Reform vun der Pressehëllef géif geschafft ginn. Wat erwaart Dir Iech dovun?

Ech erwaarde mir, datt dat Gesetz, wat kuerz virum Enn vun der Legislatiounsperiod relativ séier duerch de Regierungsrot gepeitscht ginn ass, elo nach eng Kéier seriö op de Leescht geholl gëtt. Well souwäit ech weess, ass et net ganz ausgeschafft. Mir freeën eis och, datt am Koalitiounsaccord steet, datt och soll mat den Associations professionnelles de la presse geschwat ginn. Schlussendlech vertriede mir als ALJP jo och d'Salariéen, déi vun enger Reform direkt betraff sinn.

Wat ass d'Prioritéit vun der ALJP?

Et geet ëm zwou Garantien. Éischtens ëm déi vun der Pluralitéit vun der lëtzebuergescher Press, sou datt duerch déi Reform elo kee Medium benodeelegt gëtt oder an Existenznéit kënnt, egal wéi grouss oder wéi kleng et ass. Zweetens geet et och drëm, datt de Metier vum Journalist soll gestäerkt oder zumindest net ofgewäert ginn, wat d'Onofhängegkeet a wat d'Flexibiliséierung ugeet. Et soll ee Journalisten net kënnen zwénge Saachen ze maachen, déi am Fong net hire Beruff sinn.

Eng Chamberdebatt soll klären, ob de Konzessiounsvertrag mat CLT-UFA kann ugepasst ginn, oder ob eventuell eng ëffentlech-rechtlech Tëlee soll geschaf ginn. Dat kléngt anescht wéi dat, wat de Premier nach ufanks 2017 sot. Begréisst Dir dat?

Den Dram vun enger lëtzebuergescher ëffentlech-rechtlecher Tëlee ass jo elo net nei. Jo, a priori begréissen ech dat.

Et ass awer nei, datt dat elo an engem Koalitiounsprogramm steet.

Dat huet mech och zimlech iwwerrascht, dat ginn ech zou. Perséinlech begréissen ech et absolutt, datt den ëffentlech-rechtleche Secteur zu Lëtzebuerg soll gestäerkt ginn an datt en net méi sou krass an den Hänn vun der CLT-UFA soll leien, well dat eng ganz komesch Mëschung ass, déi net nëmmen zu Lëtzebuerg, mee och am Ausland "Augenrollen hervorruft".

An der Chamber soll och iwwer d'Missiounen de legale Kader an d'Gouvernance vum radio 100,7 geschwat ginn. Dat ass jo och een Thema mat deem Dir Iech als Gewerkschaft beschäftegt hat.

Jo, mir hunn eis scho méi wéi eng Kéier dozou geäussert. Als ALJP gesi mir dat op zwee Voleten. Op deem éischte mediepolitesche Volet geet et drëms, fir d'Onofhängegkeet vum Radio ze stäerken an deem Sënn, datt eng Gouvernance dra kënnt, déi et ausschléisst, datt politeschen Afloss ka geholl ginn. Wéi d'Membere vum Verwaltungsrot nominéiert ginn, muss, ënner anerem, iwwerschafft ginn. An op där anerer Säit setze mir eis dofir an, datt d'Salariéë vum radio 100,7 aktiv un enger Reform kënne matschaffen. Mir wieren eis dogéint, datt dat eng Reform vun uewen erof gëtt.

An der Mediathéik:

Dossier vum Dag / / Maxi Pesch
Lauschteren

Méi zum Thema

D'Medielandschaft zu Lëtzebuerg Exklusiv
Pressehëllef

Maximal 1,6 Milliounen Euro u Pressehëllef kann ee Medium an Zukunft vum Staat accordéiert kréien, wa bestëmmte Konditiounen erfëllt sinn. D'Editeure fuerderen ee méi präzisen Text.

Verschidde Presseoranger Exklusiv
Verschidde Sockelen

An Zukunft soll d'Zuel vun de Journalisten de Kritär fir d'Héicht vun der Pressehëllef sinn. Dat gesäit den Avant-Projet de loi vir, deen dem radio 100,7 virläit. Et soll awer kee manner kréien.

Eng Journalistin schreift een Artikel
Medien

Déi nei Online-Pressehëllef ass a Kraaft. Et krut awer nach kee Medium se accordéiert. Et gi Schwieregkeete bei der Interpretatioun vun de Critèren. Fënnef Demandë ginn den Ament traitéiert.

Chambre-des-Deputes
Medien

38 Milliounen Euro d'Joer investéiert d'Regierung vun 2021 un an d'Press. Och lokal Medie ginn an Zukunft méi ënnerstëtzt. Kritik gouf et awer ënnert anerem um Zäitpunkt vun der Debatt iwwert Medien.

Jean-Paul Hoffmann Analys
Medien

D'Chamber diskutéiert um Dënschdeg iwwer d'Evolutioun an d'Qualitéit vun der Press. Et ass deemno och en Debat iwwer de Publicitéitskuch a seng Verdeelung. Eng Chronik vum Jean-Paul Hoffmann.

Journalisten
Medien

Online-Medie stinn ënner groussem Drock, fir méi Lieser z'erreechen. Mee ass d'Juegd no méi Klicks wierklech den effikasste Wee fir Journalismus ze finanzéieren? A wei eng Alternative ginn et dozou?

Radio zu Letzebuerg
Medien

Radio war den éischte groussen elektronesche Massemedium am fréien 20. Joerhonnert. Och haut ass et nach ee vun de populäerste Medien: 390 000 Leit lauschteren all Dag Radio zu Lëtzebuerg. E Kuerzportrait.

Online-Medien.JPG
Medien

Online-Medie kënne vun 2017 un eng staatlech Ënnerstëtzung vun all Kéier 100.000 Euro am Joer kréien. D'Bedéngunge wieren allerdéngs duerchwuess, kritiséiere Vertrieder vun der geschriwwener Press.

Analoge Radio
World Radio Day

"Radio is you" ass de Motto vum sechsten UNESCO-Weltradiodag vun dësem 13. Februar. A ville Länner seet de Radio der analoger Ära "Äddi" a kuckt an eng digital Zukunft. Zu Lëtzebuerg geet dovu kaum Rieds.

Jean-Paul Hoffmann Meenung
World Radio Day

Haut ass de Weltdag vum Radio, engem vun de populäerste Medien iwwerhaapt. Den 100,7-Direkter mécht sech bei där Geleeënheet Gedanken iwwer déi Lëtzebuerger Radioslandschaft, a besonnesch de Service public.

Danièle Fonck
Danièle Fonck

Op manner Säite méi Qualitéit liwweren. Sou erkläert d'Danièle Fonck dat neit Format vum Tageblatt. D'Generaldirektesch vun Editpress seet, de Grupp géif besser do stoe wéi aner Medienhaiser.

Pressehëllef Exklusiv
Medien

Déi geplangten Hëllef fir Online-Medien soll dem Staatsministère no just eng éischt Upassung sinn. Geplangt wier eng méi fundamental Reform vun der staatlecher Ënnerstëtzung fir déi geschriwwe Press.

20150917-press+online-1000466.jpg
Pressehëllef

Verschiddene Medievertrieder no, géing d’Regierung doriwwer nodenken nieft der finanzieller Ënnerstëtzung fir Zeitungen eng weider Pressehëllef fir Internet-Medien anzeféieren.

Programm

  • Noriichten

  • On air

    Ënnerwee

  • Panorama

  • Ënnerwee

  • Noriichten

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen