Verfassungsrevisioun "Keng sou einfach Affär"
"Och an der Demokratescher Partei si ganz vill Leit, déi um Referendum hänken", seet d'Simone Beissel. Et géif si wonneren, wann d'DP vum Referendum iwwer den Text vun der geplangter neier Verfassung géif ofgesinn. Grad wéi den LSAP-Verfassungsexpert Alex Bodry hält och d'DP-Deputéiert et fir realistesch, datt déi geplangten nei Verfassung fréistens 2020 kann a Kraaft trieden.
Wann e Referendum iwwer de kompletten Text vum neie Grondgesetz gemaach gëtt - sou wéi et virgesinn ass - da misst dëse Referendum ganz anescht virbereet ginn, wéi dee vun 2015, seet d'DP-Deputéiert Simone Beissel. D'Leit misste ganz genee erkläert kréien, wourëm et geet, fir datt si Loscht kréiche fir matzemaachen a fir datt si verstinn, wouriwwer si ofstëmmen.
D'Populatioun misst minimum sechs Méint laang informéiert ginn, "datt mir eng Chance hunn, esou e Referendum duerchzekréien", seet d'Simone Beissel. D'Leit missten zu iwwer 140 Artikelen "jo soen", dat wier "keng sou einfach Affär".
D'Suerg wier ëmmer, datt Leit wéinst Oppositioun zu engem Artikel vun der geplangter neier Verfassung, beim Referendum mat "nee" géife stëmmen. Doduerch kéint d'Ëmsetzung vum ganzen neie Grondgesetz net geléngen. An dat géif hir Leed doen, well schonn zanter Joren doru geschafft gëtt, sou d'Simone Beissel.
"Breede politesche Konsens néideg"
Geplangt wier, fir an der zoustänneger Chamberkommissioun e Schlussrapport auszeschaffen. Wann no de Chamberwahlen eng aner Majoritéit géif kommen, da géif et de Risiko ginn, datt eenzel Artikelen am Text ëmgeännert géife ginn.
Si géif dat bedaueren, well d'Parteien dann erëm géife riskéieren an een "Hin-an-Hier-Zéien" ze falen. Fir d'Reform vun der Verfassung ass eng Zweedrëttelmajoritéit néideg, "a wann dann ee motzt, da kréie mir deen Artikel net duerch". Doduerch géif ee riskéieren, déi ganz Verfassung net stëmmen ze kënnen. Et géif ëm d'Grondgesetz vu Lëtzebuerg goen, an dofir bräicht een e breede Konsens vun all de Parteien. Et wier am Interêt vum ganze Land, fir den Text "duerchzekréien".
Wäert et nach dës Legislatur-Period een Accord mat der CSV-Fraktioun fir e gemeinsamen Text ginn? Den CSV-Deputéierte Léon Gloden wier an der Chamberkommissioun ganz konstruktiv a géif ganz gutt géif matschaffen, seet d'DP-Deputéiert Simone Beissel.
Bäitrag vum Serge Kesseler am Panorama vun 12 Auer:
Méi zum Thema
Dossier
Verfassungsreform
D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.
Referendum iwwer d'Verfassungsreform oder net?
Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.
E Verfassungstext nach virun de Wahlen
De Paul-Henri Meyers geet dovun aus, datt ee sech nach virun der grousser Vakanz iwwer de Verfassungstext wäert eens ginn. Deen Text soll dann an der neier Legislatur gestëmmt ginn.
Justizreform ouni nei Verfassung
En Nationale Justizrot kann agefouert ginn ier d'Verfassung reforméiert gëtt. D'CSV kéint déi blo-rout-gréng Koalitioun hei also net blockéieren, freet sech den LSAP-Fraktiounschef Alex Bodry.
Meenung
"D'Debatt iwwer déi ganz Verfassungsreform muss elo ulafen!"
Ee Mount nom Referendum fënnt de Michel Pauly, dass et Zäit gëtt, an aller Ëffentlechkeet iwwert di ganz Verfassungsreform ze diskutéieren, fir dass d'Resultat och dem Vollék säi Wëllen erëmspigelt.
