Chronik Konstruktiv Léisungsusätz

De Freidegnomëtteg gouf an der Paräisser Banlieue e Lycéesproff vun engem Islamist ëmbruecht. Gëschter gouf a ville Groussstied demonstréiert an de Mëttwoch gëtt et eng landeswäit Gedenkminutt. A Frankräich gëtt nees iwwer Meenungsfräiheet an iwwer Radikaliséierung diskutéiert, wat d'Marine Le Pen fir sech notzen wëllt. Dowéinst soll ee versichen dëst Debatt méiglechst niichter ze halen, fënnt eise Paräis-Korrespondent Léonardo Kahn.

Léonardo Kahn / cbi

Kommentar Demonstratiounen no der Ermordung vun engem Lycées-Proff zu Paräis
Vill Leit sinn zu Paräis no der Ermordung vun engem Lycéesproff op d'Strooss gaangen.Foto: picture alliance / NurPhoto / Samuel Boivin

D'Ermordung vum Lycées-Proff Samuel Paty schockéiert. Wéi soll et och net schockéieren, datt en 18-Järegen e Proff op oppener Strooss dekapitéiert, e Bild vu sengem Kapp op Twitter setzt a per Tweet erkläert, hien hätt den Prophet räche missen. An dat alles wéinst enger Karikatur, deen de Proff wärend engem Cours iwwer Meenungsfräiheet gewisen huet.

Eng Fro vun de Grondrechter

De 47-järege Proff huet fir säin Engagement mat sengem Liewen bezuelt. Et trëfft d'Republik matzen an d'Häerz, nodeems sech elo schonn deen zweeten Terroruschlag an der Haaptstad ofspillt, zanter datt de Prozess iwwer d'Attentat op d'Redaktioun vu Charlie Hebdo am Joer 2015 leeft. Et ass also nëmme mënschlech ze traueren. Dorausser awer elo e Politikum ze strécken, riskéiert kontraproduktiv ze sinn.

An der Debatt iwwer d'Pressefräiheet gëtt dacks den Islam als ultimative Géigespiller duergestallt, virun allem vu rietse Parteien. D'Marine Le Pen an hir Kolleegen aus der RN inzenéiere sech an esou Momenter ëmmer als Verfassungspatrioten. Dobäi si si de Géigendeel. Andeems si sech nämlech géint d'Moslem am eegene Land echaufféieren, verstousse si géint en anert Grondrecht: d'Reliounsfräiheet.

Den Islam ass Deel vun der Gesellschaft

Et ass peinlech an esou Zäiten dorun erënneren ze mussen, datt den Islam, esou wéi all aner Relioun, Deel vun der franséischer Gesellschaft ass. Andeems een elo vereinfacht dorops insistéiert, datt déi vermeintlech Islamiséierung vu Frankräich de Grond fir de ganzen Terrorismus hei wier, dreift een doduercher d'Gesellschaft nëmmen weider auserneen. An et ass genee déi Polariséierung, déi jonk Muslimen an Musliminnen dozou motivéiert, sech ze radikaliséieren. Islamfeindlechkeet féiert net zu manner Gewalt, mee zu méi. Et ass näischt aneres wéi Feier mat Feier ze bekämpfen.

Zanter dem Attentat dauche vill Hashtags wéi #JeSuisEnseignant oder #JeSuisProf an de Soziale Medien op, déi net islamophob sinn. Se drécken Solidaritéit mam Affer aus an duerch hir Änlechkeeten zur Parole "Je Suis Charlie", si se och en Zeeche fir d'Meenungsfräiheet.

D'Meenungsfräiheet leit

Allerdéngs ka sech d'Meenungsfräiheet dovunner näischt kafen. Där geet et genee esou miserabel wéi virdrun. Mee d'Marine Le Pen ka sech doduerch Wielerstëmme verschafen. De Populismus funktionéiert och iwwer d'Emotionaliséierung vum Discours.

An esou Momenter wier et also besser, op emotiounschwanger Hashtags ze verzichten. Konstruktiv Léisungsusätz si wichteg. Well jo, d'Meenungsfräiheet ass a Gefor. Mee se ass op laang Engagementer ugewisen. Engagementer, wéi se zum Beispill och vum Professer Samuel Paty virgelieft goufen.

An der Mediathéik:

Chronik / /
Lauschteren

Méi zum Thema

Karim El Khmlichi.JPG
Radikalismus am Prisong

De Prisong als Rekrutéierungsplaz fir de radikalen Islam? Ze kuerz gegraff, fënnt de Karim El Khmlichi, Psycholog a Prisongsdirekter am Bréisseler Quartier Saint-Gilles.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen